اسرائیل نے امریکہ سے جنگ بند کرانے کی اپیل کی: برطانوی نشریاتی ادارہ

اسرائیل کی جنگ بندی کی درخواست

لندن (ڈیلی پاکستان آن لائن) برطانوی نشریاتی ادارے نے دعویٰ کیا ہے کہ اسرائیل نے خطرہ بڑھتا محسوس کرتے ہوئے امریکہ سے جنگ بندی کرانے کی درخواست کی۔

یہ بھی پڑھیں: عمران خان اب کبھی دوبارہ پاکستان کے وزیراعظم نہیں بن سکتے، سابق چیئرمین ایف بی آر نے بانی پی ٹی آئی کو مشورہ دیدیا

خطے میں بڑھتا ہوا تناؤ

نجی ٹی وی دنیا نیوز نے برطانوی نشریاتی ادارے کی رپورٹ کے حوالے سے بتایا کہ یہ اقدام اس وقت سامنے آیا جب ایران کی جانب سے قطر میں واقع امریکی فوجی اڈے پر میزائل حملے کے بعد خطے میں تناؤ خطرناک حد تک بڑھ گیا تھا۔

یہ بھی پڑھیں: محکمہ داخلہ میں اندرونی سیکیورٹی کنٹرول روم قائم

امریکی صدر کی مداخلت

ذرائع کے مطابق امریکی صدر ڈونلڈ ٹرمپ نے فوری طور پر قطری وزیرِاعظم سے رابطہ کیا اور ایران کو جنگ بندی پر رضامند کرنے کی درخواست کی۔

یہ بھی پڑھیں: 35 ملکوں کے 1400 سائنسدان ڈیڑھ کلومیٹر گہری سرنگوں میں کیا کر رہے ہیں؟

قطر کی اہم سفارتی کوششیں

قطری قیادت نے اہم سفارتی کردار ادا کرتے ہوئے ایرانی حکام سے بات چیت کی اور چند گھنٹوں کے اندر تهران نے امریکی تجویز پر جنگ بندی کی اصولی منظوری دے دی۔

اسرائیل کا خدشہ

سفارتی ذرائع کا کہنا ہے کہ اسرائیل کو ایران کے ممکنہ جوابی حملے کا شدید اندیشہ تھا، جس کے باعث اس نے واشنگٹن سے فوری مداخلت کی درخواست کی۔