اگر متاثرہ فیملی کو چیک نہ دیا گیا تو وفاقی حکومت کے فنڈ منجمد کردوں گا، جسٹس محسن اختر کیانی کے لاپتہ شہری بازیابی کیس میں ریمارکس

اسلام آباد ہائیکورٹ کا فیصلہ

اسلام آباد (ڈیلی پاکستان آن لائن) اسلام آباد ہائیکورٹ نے لاپتہ شہری عبداللہ عمر کی بازیابی کیس میں نئے چیئرمین لاپتہ افراد بازیابی کمیشن کی تعیناتی اور متاثرہ فیملی کو 50 لاکھ کا چیک دینے کے لیے 15 جولائی تک مہلت دی۔ جسٹس محسن اختر کیانی نے کہا کہ اگر متاثرہ فیملی کو چیک نہ دیا گیا تو وفاقی حکومت کے فنڈ منجمد کردوں گا۔

یہ بھی پڑھیں: پنجاب میں دہشتگردوں کی کارروائیاں ناکام، 16 گرفتار

سماعت کی تفصیلات

نجی ٹی وی چینل جیو نیوز کے مطابق اسلام آباد ہائیکورٹ میں لاپتہ شہری عبداللہ عمر کی بازیابی کیس کی سماعت ہوئی۔ کیس میں چیئرمین لاپتہ افراد بازیابی کمیشن کی عدم تعیناتی اور متاثرہ فیملی کو 50 لاکھ روپے نہ دینے پر توہین عدالت کی کارروائی کی گئی۔ جسٹس محسن اختر کیانی نے کیس کی سماعت کی، جبکہ درخواست گزار کی جانب سے وکیل خالد محمود عباسی ایڈووکیٹ عدالت میں پیش ہوئے۔ ایڈیشنل اٹارنی جنرل نے کہا کہ نئے چیئرمین کی تعیناتی 2 ہفتوں میں ہو جائے گی۔

عدالت کا حکم

عدالت نے حکومت کو نئے چیئرمین لاپتہ افراد بازیابی کمیشن کی تعیناتی کے لیے 15 جولائی تک مہلت دی۔ مزید یہ کہ عدالت نے متاثرہ فیملی کو 50 لاکھ کا چیک دو ہفتوں میں جاری کرنے کی آخری مہلت دیتے ہوئے سماعت ملتوی کردی۔