وزیراعظم سے بلاول بھٹو زرداری کی ملاقات، امریکہ اور یورپ میں ملاقاتوں پر بریفنگ

ملاقات کا پس منظر

اسلام آباد (ڈیلی پاکستان آن لائن) وزیراعظم شہباز شریف اور چیئرمین پیپلز پارٹی بلاول بھٹو زرداری کے درمیان ملاقات ہوئی، جس میں سفارتی وفد کی امریکہ اور یورپ میں ملاقاتوں پر بریفنگ دی گئی۔

یہ بھی پڑھیں: آسٹریلیا کو شکست دے کر جنوبی افریقہ پہلی بار ٹیسٹ چیمپئن بن گیا

بھارتی پروپیگنڈا کا خاتمہ

اعلامیہ کے مطابق، وزیرِ اعظم نے بھارتی پروپیگنڈا کو دنیا میں بے نقاب کرنے پر وفد کو خراج تحسین پیش کیا۔ وزیراعظم نے سفارتی وفد کے اعزاز میں عشائیہ بھی دیا۔

یہ بھی پڑھیں: بانی پی ٹی آئی کی سیاسی فرعونیت کی وجہ سے معاملات حل نہیں ہو رہے، طارق فضل چوہدری

پاکستان کے موقف کی ترجمانی

’’جیو نیوز‘‘ کے مطابق، وزیراعظم نے اس موقع پر کہا کہ عالمی سطح پر پاکستان کے موقف کی بہترین ترجمانی پر آپ سب کو مبارکباد پیش کرتا ہوں۔ وفد نے بلاول بھٹو کی قیادت میں امریکہ، برطانیہ اور یورپ میں پاکستانی مؤقف کی مؤثر نمائندگی کی۔ بلاول بھٹو نے نہایت احسن انداز میں پاکستان کے مؤقف کو بیان کیا، اور وفد نے پہلگام سے لے کر سندھ طاس معاہدے تک کے واقعات کو درست تناظر میں پیش کیا۔

یہ بھی پڑھیں: مستونگ میں 10 سالہ لڑکی کو گھر میں جنسی تشدد کا نشانہ بنانے کے بعد قتل کر دیاگیا

بھارتی عسکری مہارت کا ذکر

وزیر اعظم نے کہا کہ افواج کی عسکری مہارت سے بھارت کو بلاجواز جنگی جنون کی بھاری قیمت بھگتنا پڑی۔

بجٹ 2025-26 پر گفتگو

وزیر اعظم نے بجٹ 2025-26 پر بات چیت کرتے ہوئے کہا کہ بجٹ میں تنخواہ داروں سمیت تمام طبقات کو ریلیف دینے کی کوشش کی گئی ہے۔ انہوں نے بجٹ سازی میں تمام اتحادیوں، بشمول پیپلز پارٹی، کے تعاون کا شکریہ ادا کیا اور امید ظاہر کی کہ آپ سب کی رہنمائی اور تعاون سے تمام چیلنجز میں کامیابی حاصل کریں گے۔