امریکہ اور ایران کے درمیان جامع امن معاہدہ ہوجائیگا: امریکی مندوب

امریکی مندوب کا بیان

و ا شنگٹن(ڈیلی پاکستان آن لائن) امریکی مندوب برائے مشرق وسطیٰ سٹیو وٹکوف نے کہا ہے کہ امریکہ اور ایران کے درمیان جامع امن معاہدہ ہو جائے گا لیکن مستقبل میں ایران کو یورینیئم افزودہ کرنے نہیں دیں گے۔

یہ بھی پڑھیں: فرانس میں مہاجرین کے کیمپ پر فائرنگ، 4 افراد ہلاک

ایرانی جوہری تنصیبات پر حملہ

نجی ٹی وی جیو نیوز نے امریکی میڈیا کے حوالے سے بتایا کہ سٹیو وٹکوف نے کہا کہ ایرانی جوہری تنصیبات پر امریکی حملے کا مقصد ایران کو یورینئیم کی افزودگی سے روکنا تھا۔

یہ بھی پڑھیں: پنجاب میں فری سولر پینل پراجیکٹ کیلئے 4ارب روپے جاری

مستقبل میں معاہدے کی شرائط

امریکی مندوب برائے مشرق وسطیٰ نے مزید کہا کہ مستقبل میں کسی بھی معاہدے کے تحت ایران کو یورینیئم افزودگی کا حق نہیں ملے گا اور ایران کو یورینیئم افزودہ نہیں کرنے دیں گے۔

یہ بھی پڑھیں: کوہلی 10 سال قبل دورہ آسٹریلیا پر کِس گرل فرینڈ کو لیکر گئے تھے؟ روی شاستری کا اہم انکشاف

ایران کی جوہری تنصیبات پر بم باری

سٹیو وٹکوف کا کہنا تھا کہ امریکہ اور ایران کے درمیان جامع امن معاہدہ ہو جائے گا۔ واضح رہے کہ 3 روز قبل امریکہ نے ایران کی 3 جوہری تنصیبات پر بم باری کی اور امریکی صدر ڈونلڈ ٹرمپ نے بتایا کہ امریکی طیاروں نے فردو، نطنز اور اصفہان جوہری سائٹس کو نشانہ بنایا تھا اور ایران کی جوہری تنصیبات ختم کرنے کا دعویٰ کیا تھا۔

ایران اور اسرائیل کے درمیان تنازع

تاہم ایران اور اسرائیل کے درمیان جاری رہنے والے 12 روزہ تنازع میں صدر ٹرمپ نے منگل کے روز جنگ بندی کا اعلان کیا۔ اس کے علاوہ صدر ٹرمپ نے دونوں فریقین سے جنگ بندی کی خلاف ورزی نہ کرنے کی اپیل کی لیکن دونوں جانب سے خلاف ورزی پر امریکی صدر سخت ناراض دکھائی دیے۔