سپریم کورٹ کا ایل ایل بی پروگرام کا دورانیہ کم کرنے کا حکم
سپریم کورٹ کا ایل ایل بی پروگرام میں تبدیلی کا فیصلہ
اسلام آباد(ڈیلی پاکستان آن لائن) سپریم کورٹ نے ایل ایل بی پروگرام کو پانچ سال سے کم کر کے چار سال کرنے کا حکم دے دیا۔
یہ بھی پڑھیں: (ن) لیگ کے اعلیٰ رہنما علاج اور چیک اپ کیلئے بیرون ملک کیوں جاتے ہیں؟ انصار عباسی نے کئی سوالات اٹھا دیئے
لیگل ایجوکیشن ریفارمز کیس کی سماعت
نجی ٹی وی چینل دنیا نیوز کے مطابق جسٹس امین الدین خان کی سربراہی میں سپریم کورٹ کے پانچ رکنی آئینی بنچ نے لیگل ایجوکیشن ریفارمز کیس کی سماعت کی۔ عدالت نے بیرون ملک سے قانون کی تعلیم حاصل کرنے والوں کے لئے سی لاء کا ٹیسٹ بھی ختم کرنے کی ہدایت کر دی۔
یہ بھی پڑھیں: صرف 7 منٹ میں متحدہ عرب امارات کا 10 سالہ ویزا حاصل کرنے کا طریقہ کار سامنے آگیا
لاء کالج کے معیار میں بہتری
جسٹس محمد علی مظہر نے ریمارکس دیئے کہ لاء کالجز کا معیار بہتر کرنے کیلئے ضروری اقدامات کئے جائیں۔ انہوں نے کہا کہ ایس ایم لاء کالج میں اگر کوئی کمی ہے تو اسے پورا کرائیں، نہ کہ کالج بند کر دیں۔ ایس ایم لاء کالج تو قیام پاکستان سے بھی پہلے کا ہے۔
سماعت کی معطلی
آئینی بنچ نے مزید سماعت غیر معینہ مدت تک ملتوی کر دی۔
