پاک بھارت جنگ کے بعد دونوں ممالک کے وزرائے دفاع کے درمیان پہلی ملاقات کا امکان

پاک بھارت وزرائے دفاع کی ممکنہ ملاقات

بیجنگ(ڈیلی پاکستان آن لائن) پاک بھارت جنگ کے بعد دونوں ممالک کے وزرائے دفاع کےدرمیان پہلی ملاقات کا امکان ہے۔ ترک میڈیا کے مطابق پاکستان اوربھارت کے وزرائےدفاع کی ممکنہ ملاقات چین میں بدھ سے شروع ہونے والی ایس سی اوکے 2 روزہ اجلاس کے دوران ہونے کا امکان ہے۔

یہ بھی پڑھیں: ضلع خوشاب میں “پنجاب دھی رانی پروگرام” فیز2 کا آغاز، 74 جوڑوں کی اجتماعی شادیوں کی پروقار تقریب

سیکیورٹی اجلاس کی تفصیلات

جیونیوز کے مطابق ایس سی او میں پاکستانی وفد کی قیادت وزیر دفاع خواجہ آصف کریں گے جو چین پہنچ چکے ہیں جب کہ بھارتی وزیر دفاع راج ناتھ سنگھ بھی اعلیٰ سطح وفد کے ہمراہ اجلاس میں شریک ہوں گے۔ جہاں راج ناتھ سنگھ چین، روس اور دیگر ممالک کے وزرائے دفاع سے بھی ملاقاتیں کریں گے۔ وزیردفاع خواجہ آصف اور بھارتی وزیردفاع راج ناتھ سنگھ کے درمیان کوئی ملاقات طے نہیں ہے۔

ایس سی او اجلاس کے موضوعات

ترک میڈیا کے مطابق ایس سی او اجلاس میں علاقائی و عالمی سلامتی، انسداد دہشتگردی تعاون اور عسکری روابط پر غور ہوگا۔