مون سون نے رنگ جما دیا، لاہور سمیت پنجاب کے کئی شہروں میں بارش

مون سون کی شاندار آمد

لاہور(ڈیلی پاکستان آن لائن)مون سون نے رنگ جما دیا، لاہور سمیت پنجاب کے کئی شہروں میں بارش سے موسم دلفریب ہوگیا۔

یہ بھی پڑھیں: آج رات سے مختلف شہروں میں بارشوں کا امکان

لاہور میں بارش کا سماں

نجی ٹی وی چینل دنیا نیوز کے مطابق صوبائی دارالحکومت لاہور میں بادلوں نے سماں باندھ دیا جس سے موسم خوشگوار ہوگیا، ٹاؤن شپ، کینال روڈ، ہربنس پورہ، کاہنہ، جلو موڑ، تاج باغ اور دیگر علاقوں میں بادل برس پڑے۔

یہ بھی پڑھیں: بیوی کی بلیک میلنگ سے تنگ آدمی کی خود کشی، آخری پوسٹ میں ایلون مسک اور ٹرمپ کو ٹیگ کردیا، ایسی کہانی کہ ہر آنکھ اشکبار ہوجائے

بجلی کی بندش کی مشکلات

فیڈرز ٹرپ ہونے سے کئی علاقوں میں بجلی بند ہوگئی، شہریوں کو شدید مشکلات کا سامنا کرنا پڑ گیا۔

یہ بھی پڑھیں: سپریم جوڈیشل کونسل کا اجلاس کل طلب

اسلام آباد اور دیگر شہروں میں بارش

وفاقی دارالحکومت اسلام آباد اور راولپنڈی میں بادل جم کر برسے، گوجرانوالہ، گجرات، سیالکوٹ میں بھی بادلوں کی اننگز، مری اور آزاد کشمیر میں بھی بادل برسے، مالم جبہ، کالام اور دیگر شہروں میں بارش ہوئی۔

یہ بھی پڑھیں: نیتن یاہو کے خلاف کرپشن کا مقدمہ مؤخر کرنے کی درخواست مسترد

ایبٹ آباد میں سیلابی صورتحال

ایبٹ آباد میں بارش کے باعث ندی دوڑ میں طغیانی آگئی، بالائی علاقوں میں لینڈ سلائیڈنگ سے مرکزی شاہراہ بند ہوگئی، متعدد سیاح پھنس گئے۔

یہ بھی پڑھیں: پاکستان کا اقوام متحدہ سلامتی کونسل کی صدارت سنبھالنا ہمارے لیے فخر کا لمحہ ہے، شاہد خان آفریدی

نقصانات سے متعلق الرٹ

این ڈی ایم اے نے آئندہ 12 سے 24 گھنٹے کیلئے طوفان اور بارشوں کا الرٹ جاری کر دیا۔

واسا کی تیاری

وزیراعلیٰ پنجاب مریم نواز شریف کی خصوصی ہدایات پر واسا الرٹ ہے، ایم ڈی واسا نے تمام فیلڈ ٹیموں کو متحرک رہنے کی ہدایت کی ہے.