پنجاب میں موسمی خرابی، لاہور کا فلائٹ آپریشن شدید متاثر

پنجاب میں موسمی خرابی

لاہور (ڈیلی پاکستان آن لائن) پنجاب میں موسمی خرابی کے باعث لاہور کا فلائٹ آپریشن شدید متاثر ہوا ہے۔

بارش کا اثر

نجی ٹی وی جیو نیوز کے مطابق پنجاب میں لاہور، سرگودھا، بھلوال سمیت مختلف شہروں میں کہیں بونداپانی، کہیں موسلادھار بارش سے گرمی کا زور ٹوٹ گیا۔

لینڈنگ میں مشکلات

ائیرپورٹ ذرائع کے مطابق موسمی خرابی کے باعث لاہور کا فلائٹ آپریشن شدید متاثر ہوا ہے۔ استنبول سے پہنچی پرواز لاہور لینڈ نہ کرسکی، طیارے کو کراچی اتار لیا گیا۔ بعد ازاں موسم بہتر ہونے پر کراچی اتاری گئی استنبول کی پرواز TK719 لاہور روانہ ہوگئی۔

دیگر پروازوں کی صورتحال

موسم کی خرابی کے باعث شارجہ، راس الخیمہ، کولمبو ، دبئی، پیرس، دوحہ کی پروازوں کو لینڈنگ میں بھی دشواری ہے۔ لاہور سے جدہ 12، ریاض 6 اور ابوظہبی کی پرواز کی روانگی میں 4 گھنٹے تاخیر ہے۔

دیگر شہروں کی معلومات

دوسری جانب سیالکوٹ، فیصل آباد، ملتان، اسلام آباد، پشاور کا موسم بھی ابر آلود ہے البتہ آپریشن جاری ہے۔ ادھر ریاض سے اسلام آباد کی پرواز پی ایف 769 کو ملتان لینڈ کرا دیا گیا۔