ترمیمی فنانس بل: سالانہ 6 لاکھ روپے تک تنخواہ لینے والے افراد ٹیکس سے مستثنیٰ قرار

اسلام آباد میں مالی سال 26-2025ء کے لیے ترمیمی فنانس بل

آئندہ مالی سال 26-2025ء کے لیے ترمیمی فنانس بل کے تحت سالانہ 6 لاکھ روپے تک تنخواہ لینے والے افراد ٹیکس سے مستثنیٰ قرار دیے گئے ہیں۔

پہلا سلیب: 6 لاکھ روپے تک

سالانہ 6 لاکھ روپے تک تنخواہ لینے والے افراد ٹیکس سے مستثنیٰ ہیں۔

دوسرا سلیب: 6 لاکھ سے 12 لاکھ روپے

اس سلیب کے تحت 6 لاکھ سے 12 لاکھ روپے تک تنخواہ لینے والے افراد 1 فیصد ٹیکس ادا کریں گے۔

تیسرا سلیب: 12 لاکھ سے 22 لاکھ روپے

12 لاکھ سے 22 لاکھ روپے سالانہ تنخواہ لینے والوں پر 6 ہزار روپے کا فکسڈ ٹیکس اور 11 فیصد انکم ٹیکس عائد ہوگا۔

چوتھا سلیب: 22 لاکھ سے 32 لاکھ روپے

اس سلیب میں سالانہ 22 لاکھ سے 32 لاکھ روپے تنخواہ پر 1 لاکھ 16 ہزار روپے فکسڈ ٹیکس اور 23 فیصد انکم ٹیکس عائد ہوگا۔

پانچواں سلیب: 32 لاکھ سے 41 لاکھ روپے

32 لاکھ سے زائد تنخواہ لینے والوں پر 30 فیصد انکم ٹیکس عائد ہوگا اور انہیں 3 لاکھ 46 ہزار روپے کا فکسڈ ٹیکس بھی ادا کرنا ہوگا۔

چھٹا سلیب: 41 لاکھ روپے سے اوپر

اس سلیب میں 41 لاکھ سے زائد تنخواہ لینے والوں پر 35 فیصد انکم ٹیکس عائد ہوگا۔