جو محبت بانٹتا ہے، وہی سکون پاتا ہے۔

محبت کا پیغام

تحریر: خالد غورغشتی

روایتوں میں ہے کہ اللہ عزوجل بندوں پر اس قدر مہرباں ہے کہ وہ 70 ماؤں سے بڑھ کر انسان سے پیار کرتا ہے، ایک ممتا کا پیار اس قدر ہوتا ہے کہ بندہ ساری عمر اس کے گن گائے تو کم ہے۔ یہ محبت ہی ہے؛ جس کے لیے اس جہان کو تخلیق کیا گیا۔

یہ بھی پڑھیں: وزیراعظم شہبازشریف کا آپریشن بنیان مرصوص کی فرنٹ لائنز کا دورہ

محبت کا اعلیٰ مقام

آپ تخلیق انسانی کے باب میں محبت کو فراموش نہیں کر سکتے۔ اصولاً کائنات کا ذرہ ذرہ محبتوں کا شیدائی ہے، نفرتوں سے تو شیطان مردود بھی پناہ مانگے اور ہم انسانوں سے نفرت کر کے اپنے منصبِ خلافت کی پامالی کرتے چلے جا رہے ہیں۔

یہ محبت ہی ہے؛ جس کے بَل بوتے پر انسان نے ہمیشہ اُونچی اڑان بھری ہے، بلندیوں سے ہمکنار ہوا ہے، کامیابیوں کے تمغے سمیٹے ہیں۔

یہ بھی پڑھیں: کوئٹہ: پیپلز پارٹی کے ایم پی اے کی ریلی پر حملہ، ایک جاں بحق، علی مدد جتک محفوظ رہے

زندگی کی قیمتی لمحے

ہماری زندگی کے شب و روز بڑے قیمتی ہیں، ان کو نفرتوں کی بھینٹ چڑھا کر اپنے قیمتی وجود کو ضائع ہونے سے بچائیں۔ اس دھرتی پر ہر رنگ، نسل، خاندان، قبیلے، مسلک، تنظیم، جماعت اور مذہب کے لوگ بستے ہیں۔ لیکن آج ہم سب کو ایک ہی رنگ و ڈھنگ پر تولنے کے عادی ہو چکے ہیں، ہر معاملے میں نفرت ہی کیوں رہ گئی ہے؟

یہ بھی پڑھیں: ہمیں مکہ شریف پہنچنے کی جلدی تھی، میزبانوں سے گزارش کی کوئی ٹیکسی لے دی جائے، میجر صاحب اپنی فیملی کے ہمراہ ساحل سمندر کی طرف لے گئے۔

نفرت کا زہر

انسان فانی نہیں، کائنات فانی ہے؛ محبت فانی نہیں، نفرت فانی ہے۔ اس لیے نفرتیں کر کے خود کو سزا کا موجب نہ بنائیں۔ نفرتیں پیدا کرنے والے آپ کو ہزاروں لوگ مل جائیں گے جو مختلف حیلے بہانوں سے آپ کے رِشتوں میں دراڑیں ڈال کر خود بھی بے چین رہیں گے۔

یہ بھی پڑھیں: وزیر اعلیٰ مریم نواز نے پنجاب کو ترقیاتی و تعمیراتی سائیٹ میں بدل دیا، شہروں سے دیہات تک جدید ترین انفراسٹرکچر تیار ہوگا

تربیت کا اہم کردار

آج بہترین رہائش، اعلیٰ سہولیات کے باوجود سب مضطرب اور مختلف بیماریوں کا شکار کیوں ہیں؟ دراصل سیانے کہتے ہیں جو بوؤ گے وہی کاٹو گے۔ ہم نے نسل در نسل بغض، کینے اور حسد کی فصلیں بوئیں اور آج نفرتوں کے پھل کھا رہے ہیں۔ ہمیں غور و فکر کرنی چاہیے کہ ہم نے اپنی نسلوں کو کیا دیا ہے۔

یہ بھی پڑھیں: مراد سعید کی سینیٹ کی خالی نشست پر بشریٰ بی بی کا ڈرائیور بھی امیدوار کے طور پر سامنے آگیا۔

خاندانی اور معاشرتی اختلافات

ہمارے معاشرتی تباہی کا ایک اہم پہلو یہ بھی ہے کہ ہم نے اختلافِ رائے کو دشمنی کا درجہ دے دیا ہے۔ جو ہم سے متفق نہ ہو، وہ ہمیں دشمن دکھائی دیتا ہے۔ مگر قرآن اور سیرتِ نبویﷺ کا مطالعہ ہمیں رواداری اور برداشت کی تعلیم دیتا ہے۔

یہ بھی پڑھیں: 27 ویں آئینی ترمیم سے جمہوریت مضبوط ہو گی، حکومتی سینیٹرز

محبت کا معاشرتی اثر

زندگی کا حسن اُس وقت نِکھرتا ہے، جب انسان دوسروں کے لیے آسانیاں پیدا کرتا ہے۔ جو دل محبت بانٹتا ہے؛ وہی دل سکون پاتا ہے۔ ہمیں اپنی سوچ، گفتگو اور عمل سے محبت کو فروغ دینا ہو گا۔

پہلا قدم محبت کی جانب

دنیا کو بدلنے کے لیے ہمیں پہلے اپنا دل بدلنا ہوگا اور وہ دل محبت سے ہی بدلے گا۔ محبت ہی وہ واحد خزانہ ہے؛ جو بانٹنے سے کم نہیں ہوتا، بلکہ بڑھتا ہے۔

نوٹ: ادارے کا لکھاری کی آراء سے متفق ہونا ضروری نہیں