اسلام آباد ہائی کورٹ کے 5 ججز نے سپریم کورٹ میں ججز ٹرانسفر اور سینئریٹی کیس کا فیصلہ چیلنج کر دیا

اسلام آباد ہائیکورٹ کا اہم اقدام

اسلام آباد (ڈیلی پاکستان آن لائن) اسلام آباد ہائیکورٹ کے پانچ ججز نے سپریم کورٹ میں ججز ٹرانسفر اینڈ سنیارٹی کیس کے فیصلے کو چیلنج کرنے کا فیصلہ کیا ہے۔

یہ بھی پڑھیں: اسلام آباد ہائیکورٹ کے صدر کی مدعیت میں 60 سے 70 وکلا کے خلاف دہشتگردی کا مقدمہ درج

تفصیلات

سینئر وکیل منیر اے ملک کی مدد سے، پانچ ججز نے انٹرا کورٹ اپیل سپریم کورٹ میں دائر کر دی ہے۔ یاد رہے کہ سپریم کورٹ نے اسلام آباد ہائیکورٹ میں ججز ٹرانسفر کو درست قرار دیا تھا، جبکہ سنیارٹی کا معاملہ صدر پاکستان کو بھیج دیا گیا تھا۔

یہ بھی پڑھیں: پاکستان سوشل سینٹر شارجہ میں متحدہ عرب امارات کا فلیگ ڈے منایا گیا،ملکی سلامتی اور خوشحالی کے لیے دعا بھی کی گئی

درخواست میں استدعا

ججز نے سپریم کورٹ سے درخواست کی ہے کہ وہ ٹرانسفر کیس کے فیصلے کو انٹرا کورٹ اپیل میں کالعدم قرار دے۔ درخواست گزار نے استدعا کی ہے کہ انٹرا اپیل کے التواء تک 19 جون کا فیصلہ معطل کیا جائے۔

یہ بھی پڑھیں: آزاد کشمیر پولیس میں ہڑتال، اسلام آباد پولیس کے 2000 اہلکار طلب

حکم امتناع کی درخواست

اسلام آباد ہائی کورٹ کے پانچ ججز کی انٹرا کورٹ اپیل کے ساتھ حکم امتناع کی درخواست بھی شامل ہے، جس میں یہ درخواست کی گئی ہے کہ اسلام آباد ہائی کورٹ میں ٹرانسفر ہوکر آنے والے ججز کی سینارٹی کی تعین سے صدر مملکت کو روکا جائے۔

جوڈیشل کمیشن کے حوالے سے استدعا

اس درخواست میں مزید استدعا کی گئی ہے کہ جوڈیشل کمیشن کو جسٹس سرفراز ڈوگر کو مستقل چیف جسٹس تعینات کرنے سے روکا جائے۔