ریسکیو والے موقع پر پہنچے لیکن ہماری کوئی مدد نہیں کی، سوات واقعے میں بچ جانے والے شخص کا بیان

دریائے سوات میں حادثہ

سوات (ڈیلی پاکستان آن لائن) دریائے سوات میں سیاحوں کے ڈوبنے کے واقعے میں زندہ بچ جانے والے مردان کے روح الامین نے کہا ہے کہ ریسکیو والے موقع پر پہنچے لیکن ہماری کوئی مدد نہیں کی۔ گزشتہ روز دریائے سوات میں ظغیانی کے باعث 17 سیاح ڈوب گئے تھے جن میں سے 4 افراد کو بچالیا گیا جبکہ 11 لاشیں اب تک نکالی جاچکی ہیں۔ مزید 2 افراد کی تلاش جاری ہے۔

زندہ بچ جانے والے کی گواہی

دریائے سوات کے واقعے میں زندہ بچ جانے والے روح الامین کا کہنا ہے کہ ہم دریا کے کنارے کھڑے تھے کہ سیلابی ریلے نے ہمیں گھیر لیا۔ انہوں نے کہا کہ ریسکیو والے موقع پر پہنچے لیکن ہماری کوئی مدد نہیں کی۔ 6 لوگ بچ گئے، باقی پانی میں بہہ گئے۔