ایران کی اقوام متحدہ سے امریکہ اور اسرائیل کو ’جارح‘ قرار دینے کی درخواست

ایران کی اقوام متحدہ سے درخواست

نیو یارک (ڈیلی پاکستان آن لائن) ایران نے اقوام متحدہ سے امریکہ اور اسرائیل کو 'جارح' قرار دینے کی درخواست کی ہے۔

یہ بھی پڑھیں: پاک بھارت کشیدگی میں کمی کیلئے امریکہ کیا کر رہا ہے؟ وائٹ ہاؤس پریس سیکریٹری کا موقف آگیا

خط کا متن

ڈان نیوز نے قطری نشریاتی ادارے الجزیرہ کی رپورٹ کے حوالے سے بتایا کہ ایرانی وزیر خارجہ عباس عراقچی نے اقوام متحدہ کے سیکرٹری جنرل انتونیو گوتریس کو ایک خط لکھا ہے جس میں اقوام متحدہ سے مطالبہ کیا گیا ہے کہ وہ حالیہ تنازعے میں امریکہ اور اسرائیل کو باضابطہ طور پر 'جارحیت کے مرتکب' کے طور پر تسلیم کرے۔

یہ بھی پڑھیں: سوات کے مدرسے میں تشدد کر کے بچے کو مارنے والا مرکزی ملزم گرفتار

ذمہ داری اور معاوضہ

اس خط میں اقوام متحدہ سے یہ بھی مطالبہ کیا گیا ہے کہ وہ دونوں ممالک کی 'بعد کی ذمہ داری' کو بھی تسلیم کرے، جس میں معاوضے اور ہرجانے کی ادائیگی شامل ہے۔

یہ بھی پڑھیں: جاپان نے مختصر وقت میں پہلا 3ڈی ریلوے اسٹیشن تعمیر کرلیا

ایران اور اسرائیل کے مابین جنگ

واضح رہے کہ ایران اور اسرائیل کے مابین جنگ 13 جون کو شروع ہوئی تھی جب اسرائیل نے ایران کے جوہری اور فوجی ٹھکانوں پر بڑے حملے کیے، جس کے نتیجے میں ایران کی مسلح افواج کے سربراہ میجر جنرل محمد باقری اور پاسداران انقلاب کے چیف کمانڈر میجر جنرل حسین سلامی سمیت 4 اعلیٰ فوجی افسران اور 6 جوہری سائنسدان شہید ہوگئے تھے۔

یہ بھی پڑھیں: اربوں روپے مالیت کے پلاٹس کی جعلی الاٹمنٹس، سی ڈی اے کے 5 افسران گرفتار

جوابی کارروائیاں

بعدازاں اگلے ہی روز سے ایران نے جوابی کارروائی کے تحت آپریشن 'وعده صادق سوم' کا آغاز کرتے ہوئے اسرائیل کے مختلف مقامات پر میزائل حملے شروع کر دیے تھے۔

امریکہ کی مداخلت

دونوں ممالک ایک دوسرے پر میزائلوں اور ڈرونز سے حملے کرتے رہے، 21 جون کو امریکہ کو براہ راست اس لڑائی میں شامل ہو گیا، اور اس نے ایران کی تین جوہری تنصیبات پر حملے کیے۔