حافظ نعیم الرحمان نے مخصوص نشستوں کو پی ٹی آئی کا حق قرار دے دیا

حافظ نعیم الرحمان کا بیان

لاہور (ڈیلی پاکستان آن لائن) امیر جماعت اسلامی پاکستان حافظ نعیم الرحمان نے مخصوص نشستوں کو پی ٹی آئی کا حق قرار دیتے ہوئے کہا ہے کہ مخصوص نشستوں سے متعلق سپریم کورٹ کے آئینی بینچ کا فیصلہ افسوس ناک ہے۔

یہ بھی پڑھیں: کپتان بیت الخلاء گیا تو پیچھے معاون پائلٹ بیہوش ہوگیا، طیارہ بناء پائلٹ اڑتا رہا، حیران کن انکشاف

کراچی کے بلدیاتی نظام پر تنقید

انہوں نے کراچی کے بلدیاتی نظام پر کڑی تنقید کرتے ہوئے کہا کہ کراچی میں جعلی طریقے سے میئر مسلط کیا گیا۔ نجی ٹی وی آج نیوز کے مطابق لاہور میں تقریب سے خطاب کرتے ہوئے حافظ نعیم الرحمان نے مزید کہا کہ عام انتخابات میں بھی ہماری نشستیں چھینیں گئیں۔

یہ بھی پڑھیں: اپوزیشن لیڈر کی تقرری اور مذاکرات کا راستہ سپیکر کے ذریعے ہی ہے، مشروط مذاکرات کبھی کامیاب نہیں ہوتے، ڈاکٹر طارق فضل چودھری

معاشرتی تبدیلی کی ضرورت

مخصوص نشستیں پی ٹی آئی کا بنیادی حق تھا، ملک میں جاگیرداروں اور چوہدریوں کی اجارہ داری ہے، جنہوں نے پورے معاشرے کو جکڑا ہوا ہے۔ ہم معاشرے کو بدل کر انقلاب لانا چاہتے ہیں۔

یہ بھی پڑھیں: پانی سب کچھ روک کے لے گیا

عدالت کے فیصلے پر افسوس

حافظ نعیم الرحمان نے کہا کہ سپریم کورٹ کے مخصوص نشستوں سے متعلق فیصلے پر افسوس ہوا، یہ عدالتی تاریخ کا ایک اور بدنما داغ ہے۔ انہوں نے کہا کہ مخصوص نشستیں تحریک انصاف کا حق تھا، اور سپریم کورٹ سے جعلی فیصلے کروا کر سیٹیں حاصل کرنے کو کامیاب سیاست کہنا غلط ہے۔

یہ بھی پڑھیں: فری ہوم ڈیلیوری پراجیکٹ نے نیا ریکارڈ قائم کر دیا، شہریوں کو گھر بیٹھے 110 ملین روپے کی بچت

انتخابات میں حق تلفی کا ذکر

امیر جماعت اسلامی نے مزید کہا کہ الیکشن میں جماعت اسلامی کے حق پر ڈاکہ ڈالا گیا، کراچی کی مئیرشپ پر بھی ڈاکہ ڈالا گیا، اور قومی الیکشن میں بھی جماعت اسلامی کا حق مارا گیا۔

یہ بھی پڑھیں: سونے کی قیمت میں کمی ریکارڈ، فی تولہ کتنے کا ہوگیا؟

سیاسی نظام کی حقیقت

انہوں نے کہا کہ اگر اسٹبلشمنٹ آج اپوزیشن سے بات کر لے تو یہ اس نظام کو قبول کرلیں گے۔ جب باجوہ صاحب کی ایکسٹینشن ہوئی تھی تو سب جماعتیں ایک ہو جاتی ہیں۔

یہ بھی پڑھیں: موبائل فون اور راستے تیسرے روز بھی بند، راولپنڈی اور اسلام آباد متاثر

کشمیر کے مسئلے پر بات

حافظ نعیم الرحمان نے کہا کہ پاک بھارت جنگ میں اللہ نے پاکستان کو سرخرو کیا، مگر قوم کشمیر کے مسئلہ کا سودا نہیں کرے گی۔

یہ بھی پڑھیں: ٹی 20 ورلڈ کپ میں ناقص کارکردگی، پاکستانی کرکٹرز پر بھاری جرمانہ عائد، نجی ٹی وی کا دعویٰ

سیاسی مزاحمت کی قیادت

انہوں نے کہا کہ اگر قوم کا سودا کیا گیا تو سیاسی مزاحمت کی جماعت اسلامی قیادت کرے گی۔

سپریم کورٹ کا فیصلہ

واضح رہے کہ سپریم کورٹ کے آئینی بینچ نے جمعے کو 5 کے مقابلے میں 7 کی اکثریت سے مخصوص نشستوں سے متعلق نظرثانی درخواستیں منظور کرلی تھیں، اور عدالت نے مختصر فیصلے میں 12 جولائی کا فیصلہ کالعدم قرار دے دیا تھا۔