سابق امریکی سفارتکار رچرڈ باؤچر انتقال کر گئے

نیویارک (طاہر محمود چوہدری سے) ایک دہائی سے زائد عرصہ امریکی محکمہ خارجہ کے ترجمان اور معاون سیکریٹری خارجہ برائے عوامی امور کے طور پر خدمات سرانجام دینے والے رچرڈ باؤچر 73 سال کی عمر میں امریکی ریاست ورجینیا میں انتقال کر گئے۔

کینسر کے خلاف جنگ

امریکی خبر رساں ادارے ’’اے پی‘‘ کے مطابق رچرڈ باؤچر کے خاندانی ذرائع نے تصدیق کی ہے کہ جمعرات کو شمالی ورجینیا کے ایک ہسپتال میں کینسر کے خلاف جنگ لڑتے ہوئے دنیا سے رخصت ہو گئے۔

محکمہ خارجہ میں خدمات

رچرڈ باؤچر 1990 اور 2000 کی دہائی کے اوائل میں محکمہ خارجہ میں امریکی خارجہ پالیسی کا چہرہ رہے۔ یہ دور جارج ایچ ڈبلیو بش سے شروع ہونے والی انتظامیہ سے لے کر بل کلنٹن اور جارج ڈبلیو بش کے عہدِ صدارت تک جاری رہا۔

مشہور وزرائے خارجہ کے ترجمان

باؤچر نے وزرائے خارجہ جیمز بیکر، میڈلین البرائٹ، کولن پاول اور کونڈولیزا رائس کے ترجمان کے طور پر خدمات انجام دیں۔ وہ جنوبی اور وسطی ایشیا میں معاون سیکریٹری خارجہ بھی رہے۔

اعزازات اور شناخت

حکومت پاکستان نے 2009 میں رچرڈ باؤچر کو پاک، امریکہ تعلقات بہتر بنانے کے اعتراف میں انہیں ہلال قائد اعظم سے بھی نوازا تھا۔