پاکستانی انویسٹرز فورم کے صدر چوہدری شفقت محمود کے اعزاز میں قومی یکجہتی فورم کی جانب سے تقریب کا اہتمام

تقریب کا اہتمام

جدہ (محمد اکرم اسد) پاکستانی انویسٹرز فورم کے صدر چوہدری شفقت محمود کے اعزاز میں قومی یکجہتی فورم کی جانب سے تقریب کا اہتمام ہوا۔

یہ بھی پڑھیں: پولینڈ کی یونیورسٹی آف لوڈز کی ڈاکٹر ماریہ الینورا کی چیئرپرسن پنجاب ویمن پروٹیکشن اتھارٹی سے خصوصی ملاقات

ایوارڈ کی تقریب

چوہدری شفقت محمود کو لندن میں ترجمان انٹرنیشنل ایوارڈ کی جانب سے انہیں "فرزند پاکستان ایوارڈ" ملنے پر قومی یکجہتی فورم کی اس تقریب میں پاکستانی کمیونٹی، پاکستان قونصلیٹ کے افسران نے شرکت کی۔

یہ بھی پڑھیں: پنجاب حکومت نے گورننس میں بہتری کے لیے اے آئی کو باضابطہ پالیسی کا حصہ بنا دیا

خطاب کا موضوع

تقریب سے خطاب کرتے ہوئے چوہدری شفقت محمود نے قومی یکجہتی فورم اور شرکاء کا شکریہ ادا کرتے ہوئے کہا کہ میری ہمیشہ یہ خواہش رہی ہے کہ سعودی عرب اور دنیا بھر سے پاکستانی پاکستان کو اتنا زرمبادلہ بھیجیں کہ پاکستان کو نہ ہی آئی ایم ایف اور نہ کسی اور ملک سے قرض لینا پڑے۔ انہوں نے کہا کہ دنیا بھر میں پاکستانی اپنے وطن سے انتہائی محبت کرتے ہیں اور جس طرح اس ملک کی سرحدیں مضبوط ہیں اسی طرح ہماری معیشت بھی مضبوط ہو تاکہ ہم دنیا میں معاشی حوالے سے بھی سر اٹھا کر جی سکیں۔ مسئلہ کشمیر ہو یا کوئی اور مسئلہ، دنیا ہماری بات سنے۔

یہ بھی پڑھیں: آئندہ 24 گھنٹوں میں ملک کے بیشتر علاقے میں موسم کیسا رہے گا؟ تازہ پیشگوئی

ایوارڈ کی اہمیت

چوہدری شفقت محمود نے کہا کہ لندن کی تنظیم کی جانب سے ایوارڈ نے میرے وطن کے لیے کئی منصوبوں پر کام کرنے کا مزید حوصلہ دیا ہے۔ مجھے خوشی ہے کہ قومی یکجہتی فورم جو پاکستان کی نیک نامی کے لیے کام کر رہی ہے، اس نے میرے اعزاز میں تقریب کا اہتمام کیا۔ میں سمجھتا ہوں کہ یہ فرزند پاکستان ایوارڈ صرف مجھے نہیں بلکہ سعودی عرب میں رہنے والے تمام پاکستانیوں کے لیے ایوارڈ ہے۔

یہ بھی پڑھیں: افغانستان کے ساتھ مذاکرات میں خیبرپختونخوا کے اسٹیک ہولڈرز کو شامل کیا جائے، وزیر اعلیٰ سہیل آفریدی

مشہور شخصیات کی موجودگی

انہوں نے ایوارڈ کے لیے لندن میں قائم تنظیم “ترجمان انٹرنیشنل ایوارڈ” کا ذکر کرتے ہوئے ایوارڈ کے بانی ذوالفقار علی بھٹو کا ذکر کیا اور تفصیل بتائی کہ انہیں بالترتیب جناح کیپ، قومی پرچم اور فرزند پاکستان ایوارڈ سے نوازا گیا، جو ایک منفرد اور بڑا قومی اعزاز ہے۔

یہ بھی پڑھیں: پاکستان نے سولر پینلز سے بجلی بنانے میں دنیا میں ریکارڈ بنا دیا، سولر سے کتنے فیصد بجلی حاصل کی جارہی ہے ؟ جانئے

تقریب کی شروعات

تقریب کا آغاز ندیم آفتاب صدیقی کی تلاوت سے ہوا۔ اس موقعے پر قومی یکجہتی فورم کے کنونیئر ریاض بخاری نے کہا کہ چوہدری شفقت محمود کی کمیونٹی اور پاکستان کے لیے خدمات نہ ہی کسی تعارف اور نہ کسی ایوارڈ کی محتاج ہیں۔ ہمیں فخر ہے کہ انہیں ایوارڈ دیا گیا۔ انہوں نے پاکستان قونصلیٹ سے درخواست کی کہ شفقت محمود جیسے فرزند پاکستان کو سرکاری ایوارڈ دینے کیلئے حکومت پاکستان کو اپنی سفارشات بھیجیں۔

سابق وفاقی وزراء کا خطاب

تقریب سے سابق وفاقی وزیر چوہدری شہباز حسین، فیصل طاہر خان، چوہدری محمد اکرم گجر، تصور حسین چوہدری، مشاہد رضا گجر، انجینئر عارف مغل نے خطاب کیا۔ قونصل جنرل کی ترجمانی جدہ قونصلیٹ سے پریس قونصل محمد عرفان نے کی۔ اسٹیج پر دیگر مہمانوں کے علاوہ چوہدری اظہر وڑائچ، شریف الزماں بھی تشریف فرما تھے۔