وزیراعلیٰ مریم نواز کا تیز آندھی، بارش کے دوران حادثات پر اظہار افسوس، نشیبی علاقوں سے جلد از جلد نکاسیٔ آب کیلئے اقدامات کا حکم

وزیر اعلیٰ کا اظہار رنج

لاہور (ڈیلی پاکستان آن لائن) وزیر اعلیٰ مریم نواز نے تیز آندھی، بارش کے دوران حادثات اور نہر میں ڈوبنے سے قیمتی انسانی جانوں کے ضیاع پر گہرے رنج اور غم کا اظہار کیا ہے۔ وزیر اعلیٰ نے سوگوار خاندانوں سے ہمدردی اور تعزیت کا اظہار کیا ہے اور حادثات میں زخمی افراد کو فوری اور بہترین طبی امداد فراہم کرنے کی ہدایت کی۔

یہ بھی پڑھیں: سرگودھا: والی بال میچ کے دوران قتل کرنے والے مجرموں کو مجموعی طور پر 94 سال کی سزا

نہروں میں نہانے پر پابندی

وزیراعلیٰ مریم نواز نے نہروں میں نہانے پر پابندی یقینی بنانے کے لیے پیٹرولنگ کی ہدایت کی اور بڑے سائن بورڈ ہٹانے کے لیے اقدامات کا حکم دیا۔ وزیراعلیٰ نے سولر پینل کی تنصیب میں پی ڈی ایم اے ایس او پیز پر عملدرآمد کی ہدایت اور نشیبی علاقوں سے جلد از جلد نکاسیٔ آب کے لیے اقدامات کا حکم دیا۔ ریسکیو 1122، پی ڈی ایم اے اور انتظامیہ کو امدادی سرگرمیاں تیز کرنے کی ہدایت کی۔

حکومت کی جانب سے حمایت کا یقین

وزیراعلیٰ مریم نواز کا کہنا ہے کہ پنجاب حکومت غم کی اس گھڑی میں متاثرہ خاندانوں کے ساتھ ہے۔ شدید موسمی حالات میں عوام کے تحفظ کے لیے تمام تر ممکنہ اقدامات بروئے کار لا رہے ہیں۔