شوہر نے دوسری شادی کی لیکن پھر لوٹ آئے؛ سینیئر اداکارہ نے ’صبر آزما‘ داستان سنادی

سلمیٰ ظفر کا شاندار انکشاف

کراچی (ویب ڈیسک) سینیئر اداکارہ سلمیٰ ظفر نے اپنی ازدواجی زندگی کے حوالے سے ایک سبق آموذ اور حیران کن انکشاف کیا ہے۔

یہ بھی پڑھیں: اسلام آباد: ترلائی کی امام بارگاہ کے قریب دھماکا

محبت میں دھوکا

ایکسپریس نیوز کے مطابق، ڈراما سیریلز نمک حرام، مشک، قرضِ جان، اور زیبائش میں اپنے فن کا مظاہرہ کرنے والی سینیئر اداکارہ سلمیٰ ظفر نے نجی ٹی وی پر ایک انٹرویو کے دوران اپنی زندگی کے ان گوشوں سے پردہ اُٹھایا جو اب تک سامنے نہیں آئے تھے۔ سلمیٰ ظفر نے بتایا کہ محبت میں دھوکا ملا لیکن پھر بھی امید کا دامن نہیں چھوڑا۔ جب کسی کی طرف سے وہی محبت نہ ملے جو آپ دے رہے ہوں، تو دل ٹوٹتا ہے، لیکن میں نے ہار نہیں مانی۔ میں منتظر کھڑی رہی کہ وہ شخص لوٹ آئے۔

یہ بھی پڑھیں: ہمارے معاشرے میں بخشش کی ادائیگی ایک ایسی عادت ہے جو خدمت کے اعلیٰ معیار کی مظہر نہیں بلکہ گاہک کی ندامت وپشیمانی کا اظہار ہے

ازدواجی مشکلات

انھوں نے مزید بتایا کہ شادی کے 18 سال بعد میرے شوہر نے دوسری شادی کرلی۔ تب میں نے یہی سوچا کہ جب کسی سے محبت کرتے ہیں تو اس کی ہر خوبی اور خامی کے ساتھ محبت کرتے ہیں، حتیٰ کہ اس کے ناپسندیدہ فیصلوں کے ساتھ بھی۔ اداکارہ سلمیٰ ظفر نے کہا کہ محبت میں سمجھوتہ کرنا پڑتا ہے، بس پھر میں نے اپنے شوہر کا انتظار کیا اور وہ بعد میں اُس خاتون کو طلاق دے کر واپس میرے پاس لوٹ آئے۔

صبر اور برداشت

سلمیٰ ظفر نے کہا کہ میں نے کبھی اُن دوسری خاتون کے لیے بددعا نہیں کی، نہ ہی برا بھلا کہا اور نہ ہی ان خاتون کے طلاق ہونے سے میرا کوئی تعلق ہے۔ میں نے بس صبر کیا تھا۔