سیکیورٹی گیٹس، ڈرونز سے نگرانی، جلوس اور مجالس کے لیے صفائی کا خصوصی اہتمام، عزاداروں کی خدمت کا نیا ریکارڈ
محرم الحرام کے انتظامات
لاہور (ڈیلی پاکستان آن لائن) وزیر اعلیٰ پنجاب مریم نواز نے محرم کے موقع پر امن و امان، صفائی، عوام اور عزاداروں کی خدمت کا نیا ریکارڈ قائم کردیا۔ پنجاب کی تاریخ میں محرم الحرام کے سب سے بڑے انتظامات کیے گئے ہیں۔
یہ بھی پڑھیں: پولیس نے ناکے پر گاڑی روکی تو اندر سے کئی من منشیات نکل آئیں، موقع پر ہنگامہ، آپ بھی دیکھیے
سیکیورٹی کے انتظامات
عزاداروں کے جلوسوں اور مجالس کی بھرپور سیکیورٹی جاری ہے، پنجاب میں 1 لاکھ 8 ہزار سے زائد پولیس اہلکار سیکیورٹی پر تعینات ہیں۔ انتظامیہ، پولیس، ریسکیو اور دیگر اداروں کا بے مثال اشتراک جاری ہے۔
یہ بھی پڑھیں: کینیڈا کا بڑا اعلان: 13 ممالک کے شہریوں کے لئے ویزا کی شرط ختم
امن کمیٹیوں کا کردار
امن کمیٹیوں کے ارکان جلوسوں اور مجالس کے قریب موجود ہیں اور انتظامات میں معاونت فراہم کر رہے ہیں۔ محرم الحرام میں پہلی مرتبہ فیک نیوز کے سدباب کے لیے سائبر پٹرولنگ کا عمل بھی شروع کیا گیا ہے۔
یہ بھی پڑھیں: بھارت اور ایک اور سبکی کا سامنا، سیٹلائٹ کا تجربہ ناکام
مانیٹرنگ اور کنٹرول رومز
صوبائی، ڈویژن اور ڈسٹرکٹ سطح پر جامع مانیٹرنگ کے لئے 7/24 کنٹرول روم قائم کیے گئے ہیں۔
یہ بھی پڑھیں: اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی
عزاداروں کی سہولیات
عزاداروں کو خوراک اور پانی کی فراہمی کی گئی ہے۔ فیلڈ ہسپتال، کلینکس آن ویلز سمیت پورا طبی عملہ موجود ہے۔ عزاداروں کے لیے شربت اور لیموں پانی کی سبیلیں بھی قائم کی گئیں ہیں۔ عاشورہ کے جلوس کے شرکا کے لئے ٹھنڈے پانی کی بوتلوں کا بھی اہتمام کیا گیا ہے۔
یہ بھی پڑھیں: سہیل آفریدی کو کراچی آمد پر برگر بھی کھلائیں گے :میئر کراچی مرتضیٰ وہاب
سیکیورٹی کی نگرانی
سیکیورٹی کے لیے سیف سٹی کیمروں سے مسلسل نگرانی جاری ہے۔ داخلی اور خارجی مقامات پر خصوصی سیکیورٹی گیٹس لگائے گئے ہیں اور ڈرونز کے ذریعے بھی نگرانی کی جا رہی ہے۔
صفائی کے انتظامات
جلوس اور مجالس کے لئے "ستھرا پنجاب" کے تحت صفائی کا خصوصی اہتمام کیا گیا ہے۔ گرمی اور حبس کے پیش نظر مجالس اور جلوس کے راستوں میں ٹھنڈے پانی کا چھڑکاؤ کیا گیا ہے۔ جلوسوں کے راستے سے ہر طرح کی رکاوٹیں ہٹائی گئی ہیں۔
