وفاقی وزیر حذیفہ رحمان اور چینی وزیر ثقافت و سیاحت گاو ژینگ کے درمیان ملاقات، ثقافتی، سیاحتی اور ورثہ کے شعبوں میں تعاون بڑھانے پر اتفاق

پاکستان اور چین کے درمیان ثقافتی معاہدہ

اسلام آباد/بیجنگ (ڈیلی پاکستان آن لائن) پاکستان اور چین نے ثقافتی سفارت کاری، سیاحتی تعاون، اور مشترکہ ثقافتی ورثے کے تحفظ کے لیے ایک جامع معاہدے پر اتفاق کیا ہے۔ پاکستان کے وزیر ثقافت، سیاحت و قومی ورثہ حذیفہ رحمان اور چین کے وزیر ثقافت و سیاحت گاو ژینگ کے درمیان بیجنگ میں ہونے والی اعلیٰ سطح کی ملاقات میں دونوں ممالک کے درمیان تعلقات کو نئی بلندیوں تک لے جانے کے لیے کلیدی اقدامات طے کیے گئے۔

یہ بھی پڑھیں: شادی کے 17 سال بعد دوسرے بچے سے متعلق سوال پر ابھیشیک بچن نے کیا جواب دیا ؟

معاہدوں کی تفصیلات

’’اے پی پی‘‘ کے مطابق ان اہم معاہدوں اور اقدامات میں ورثہ کی بحالی اور ڈیجیٹل دستاویزات کا منصوبہ شامل ہیں جس کے تحت دونوں ممالک کے تاریخی مقامات کی بحالی، تحفظ، اور ان کی ڈیجیٹل دستاویزات تیار کرنے کے لیے مشترکہ منصوبوں پر کام کرنے پر زور دیا گیا ہے۔ اس میں قدیم ثقافتی ورثے کی جدید ٹیکنالوجی کے ذریعے حفاظت بھی شامل ہے۔

یہ بھی پڑھیں: بانی پی ٹی آئی کی سیاسی فرعونیت کی وجہ سے معاملات حل نہیں ہو رہے، طارق فضل چوہدری

ثقافتی تبادلوں کا فروغ

ثقافتی تبادلے اور میوزیم کی ترقی کے تحت دونوں اطراف نے میوزیم کی ترقی، آرٹ نمائشوں، فلمی میلوں کے انعقاد اور ثقافتی وفود کے تبادلوں کے فروغ پر اتفاق کیا گیا۔ چین نے وفاقی وزیر حذیفہ رحمان کو ستمبر 2025 میں منعقد ہونے والی بین الاقوامی میوزیم کانفرنس میں شرکت کی دعوت دی، جسے انہوں نے قبول کر لیا۔

یہ بھی پڑھیں: تجارتی اور سرمایہ کاری کو فروغ دینا چاہتے ہیں، تھائی لینڈ کی کاروباری کمیونٹی مراعات سے فائدہ اٹھائے: وزیر اعلیٰ مریم نواز

پیشہ ورانہ تربیت اور صلاحیت کی ترقی

پیشہ ورانہ تربیت اور صلاحیت کے فروغ کے لئے پاکستانی میوزیم کے عملے کو جدید میوزیالوجی، آرٹ کی بحالی، اور سیاحت کے شعبے میں تربیت دینے کے لیے چین کے ساتھ تعاون بڑھانے پر بھی اتفاق ہوا۔

یہ بھی پڑھیں: وزیراعظم نے ہر سال 10 مئی کو یوم معرکہ حق منانے کا اعلان کردیا

سیاحت کو فروغ دینے کے اقدامات

سیاحت کو فروغ دینے کے اقدامات کے تحت دونوں ممالک نے سیاحتی ویزا پالیسیوں کو آسان بنانے، مشترکہ سیاحتی مہمات چلانے، اور ثقافتی سیاحت کو فروغ دینے پر تبادلہ خیال کیا۔ اس سے گوادر جیسے منصوبوں کو بھی سیاحتی مرکز بنانے میں مدد ملے گی۔

یہ بھی پڑھیں: 100 سے زائد بارودی سرنگوں کا سراغ لگانے والے چوہے نے عالمی ریکارڈ بنادیا

پاک چین دوستی کی تعریف

پاک چین تعلقات کے حوالے سے وزیر حذیفہ رحمان نے چین کی پاکستان کے ساتھ غیر متزلزل دوستی اور تعاون کی تعریف کرتے ہوئے کہا کہ پاکستان اور چین کا رشتہ سمندروں سے گہرا، پہاڑوں سے بلند اور شہد سے میٹھا ہے۔ انہوں نے چینی قیادت بالخصوص صدر شی جن پنگ کی پاکستان کے ثقافتی اور سیاحتی شعبوں میں تعاون پر خصوصی شکریہ ادا کیا۔

یہ بھی پڑھیں: وزیر اعلیٰ پنجاب سے ایشیائی ترقیاتی بینک کی کنٹری ڈائریکٹر برائے پاکستان ریزیڈنٹ مشن کی ڈاکٹر ایما ژاؤچن فین کی ملاقات

ثقافتی شراکت داری کی اہمیت

چینی وزیر گاو ژینگ نے پاکستان کے ساتھ ثقافتی شراکت داری کو سی پیک کا کلیدی پہلو قرار دیتے ہوئے کہا کہ یہ معاہدے دونوں ممالک کے عوام کے درمیان رابطے کو مزید مضبوط کریں گے۔

مستقبل کے منظر نامے

یہ معاہدے پاک چین اقتصادی راہداری (سی پیک) کے تحت ثقافتی اور سیاحتی تعاون کو ایک نئی سطح پر لے جائیں گے۔ مستقبل میں دونوں ممالک کے درمیان مشترکہ ثقافتی فیسٹیولز کے انعقاد، تاریخی مقامات کی بحالی، سیاحتی انفراسٹرکچر کی ترقی، پر کام کیا جائے گا۔ یہ ملاقات پاک چین تعلقات کو ثقافتی، سیاحتی اور تاریخی ورثے کے تحفظ کے میدان میں ایک نئی جہت دے گی، جس سے دونوں ممالک کے درمیان عوامی رابطے مزید مضبوط ہوں گے.