تھری پارکر کے پہاڑی علاقے کی سیر کرنے گئے 11 سیاح ریلے میں پھنس گئے، ایک ہلاک

تھر پارکر (ڈیلی پاکستان آن لائن) تھر پارکر کے پہاڑی علاقے کارونجھر پر سیر کرنے گئے 11 سیاح ریلے میں پھنس گئے۔

نجی ٹی وی جیونیوز نے ریسکیو ذرائع کے حوالے سے بتایاکہ ان 11 میں سے 10 سیاحوں کو بچا لیا گیا جب کہ ایک شخص ڈوب گیا، ڈوبنے والے شخص کا تعلق کراچی سے ہے جس کی لاش مل گئی۔

متوفی کی لاش کو مسلسل کوششوں کے بعد بند سے نکالا گیا، جاں بحق شخص کا تعلق کراچی کے علاقے گارڈن سے ہے۔

پولیس کا کہنا ہے کہ ریسکیو کیے گئے 3 افراد کا تعلق کراچی اور 7 کا مٹھی سے ہے۔