مخصوص نشستوں پر بحال ارکان کی چاندی، معطلی کے عرصہ کی تنخواہیں بھی دینے کا فیصلہ

سپریم کورٹ کا فیصلہ

اسلام آباد (ڈیلی پاکستان آن لائن) سپریم کورٹ آئینی بنچ کے فیصلے کی روشنی میں مخصوص نشستوں پر بحال ارکان کی چاندی ہو گئی۔ بحال ارکان کو معطلی کے عرصہ کی تنخواہیں بھی دینے کا فیصلہ کیا گیا ہے۔

یہ بھی پڑھیں: کئی راتیں رویا، تنہائی کاٹی، دل پر بوجھ رہا، اتنے دکھ سہے کہ بحرالکاہل بھی داد دیتا رہا کہ تیرے دکھ مجھ میں اترتے تو شاید ماؤنٹ ایورسٹ کو بھی ڈبو دیتا

معطلی کا پس منظر

نجی ٹی وی چینل دنیا نیوز کے مطابق 77 ارکان کو 13 مئی 2024 کو معطل کیا گیا تھا۔ معطلی کا نوٹیفکیشن ہوتے ہی ارکان کی تنخواہیں روک لی گئی تھیں، جس میں 19 خواتین، 3 اقلیتی ممبران سمیت قومی اسمبلی کے 22 ارکان شامل تھے۔

یہ بھی پڑھیں: نائب وزیراعظم اور وزیرخارجہ اسحاق ڈار نیویارک پہنچ گئے

بحالی کی صورت حال

ذرائع کا کہنا ہے کہ 22 میں سے 19 ارکان کی بحالی کا نوٹیفکیشن جاری کردیا گیا ہے جبکہ 3 نشستوں پر بحالی کا عمل باقی ہے۔ ذرائع کے مطابق، 13 مئی سے عدالتی فیصلے کی تاریخ تک بنیادی تنخواہ دی جائے گی۔ بحال ارکان کو ٹی اے ڈی اے اور دیگر الاؤنسز نہیں ملیں گے۔

تنخواہوں کی تفصیلات

13 مئی 2024 سے 31 دسمبر 2024 تک ڈیڑھ لاکھ فی رکن تنخواہ ادا کی جائے گی، جبکہ یکم جنوری 2025 سے عدالتی فیصلے تک بڑھائی گئی تنخواہ ملے گی۔ صوبائی اسمبلی کے 55 ارکان کو بھی تنخواہ اسمبلی ایکٹ کے مطابق ادا کی جائے گی۔