شنگھائی تعاون تنظیم کے فلم فیسٹیول میں دیمک اور نایاب کی پذیرائی

شنگھائی تعاون تنظیم فلم فیسٹیول 2025

بیجنگ (ڈیلی پاکستان آن لائن) چین کے شہر یانگ ژو میں منعقدہ شنگھائی تعاون تنظیم فلم فیسٹیول 2025 میں پاکستانی فلموں دیمک اور نایاب نے شاندار کامیابی حاصل کرتے ہوئے دو اعزازات اپنے نام کر لیے۔

یہ بھی پڑھیں: شبیر جان کی اہلیہ نے دوسری شادی کی دلچسپ کہانی شیئر کردی

ایوارڈز کی تفصیلات

نجی ٹی وی دنیا نیوز کے مطابق پانچ روز تک جاری رہنے والے ایس سی او فلم فیسٹیول میں فلم دیمک کے ہدایتکار رافع راشدی اور اداکارہ سونیا حسین نے بیسٹ ایڈیٹنگ کا ایوارڈ وصول کیا جب کہ فلم نایاب کے ہدایتکار عمیر ناصر علی اور اداکار اسامہ خان نے سپیشل جیوری کا ایوارڈ حاصل کیا۔

یہ بھی پڑھیں: سب سے تعارف ہوا یہ پہلی ملاقات تھی، ہم سب اساتذہ کی بڑی عزت اور قدر کرتے تھے گو ان کے پڑھانے اور سکھانے کے حوالے سے ہمارے تحفظات تھے۔

پاکستانی وفد کی نمائندگی

فلم فیسٹیول میں پاکستانی وفد کی نمائندگی کرنے والوں میں پاکستان فلم پروڈیوسرز ایسوسی ایشن کے چیئرمین شہزاد رفیق (جیوری ممبر)، فلم ڈسٹری بیوٹر ندیم مانڈوی والا، عرفان ملک، وزیرِ مملکت برائے تعلیم وجیہہ قمر، ڈائریکٹر جنرل ڈی ای ایم پی ثمینہ فرزین، پاکستانی سفارتخانے سے منظور علی، فلم نایاب کے ڈائریکٹر عمیر ناصر علی، پروڈیوسر رومینہ عمیر، نعمان خان اور اداکار اسامہ خان شامل تھے۔

یہ بھی پڑھیں: حیدرآباد انٹربورڈ: نتائج میں تاخیر پر آئی ٹی منیجر اور ناظم امتحانات عہدے سے فارغ

فلم دیمک کی کہانی

فلم دیمک کی میگا کاسٹ میں جاوید شیخ، ثمینہ پیرزادہ، بشریٰ انصاری، سونیا حسین، فیصل قریشی اور ثمن انصاری سمیت دیگر نامور اداکار شامل ہیں۔ اس کی کہانی ساس اور بہو کے درمیان کشیدہ تعلقات کے گرد گھومتی ہے، جس کا پس منظر ایک گھر میں بڑھتی ہوئی پراسرار اور ماورائی سرگرمیوں پر مبنی ہے۔

فلم نایاب کی کہانی

دوسری جانب فلم نایاب کی کاسٹ میں یمنیٰ زیدی، جاوید شیخ، عدنان صدیقی، اسامہ خان، فواد خان اور فریال محمود شامل ہیں۔ اس کی کہانی بچپن سے کرکٹ کھیلنے کی شوقین، خاندان اور سماجی مسائل کا ڈٹ کر مقابلہ کرنے والی لڑکی پر مبنی ہے۔