ظلم و جبر کا نظام مسلط ہے،فارم 47کی ایجاد نے عوام سے رائے دہی کا حق چھین لیا :حافظ نعیم الرحمان

حافظ نعیم الرحمان کا خطاب

لاہور (ڈیلی پاکستان آن لائن) امیر جماعت اسلامی حافظ نعیم الرحمان نے کہا ہے کہ جمہوریت کے نام پر ملک پر ظلم و جبر کا نظام مسلط ہے۔ فارم 47 کی ایجاد نے عوام سے رائے دہی کا حق چھین لیا اور اس کی بنیاد پر بنائی گئی جعلی حکومت نے عام آدمی کی زندگی اجیرن کردی ہے۔ جماعت اسلامی عوامی طاقت سے ظلم کے اس نظام کا خاتمہ کرے گی۔

یہ بھی پڑھیں: فیلڈ مارشل عاصم منیر امریکہ جانے کی بجائے ہنگامی طور پر سعودی عرب پہنچ گئے” سینئر صحافی رضوان رضی کا دعویٰ

سیاست کی نوعیت

ہماری سیاست گالی، گولی، تعصب اور نفرت کی سیاست نہیں ہے۔ ان خیالات کا اظہار انہوں نے منصورہ میں مرکزی تربیت گاہ کے شرکاء سے خطاب کرتے ہوئے کیا۔

یہ بھی پڑھیں: ایران میں پاکستانی نوجوانوں کو بغیر تلاشی لیے جانے دیا، نوجوان خوشی سے نہال

انتخابی نظام کی خرابی

امیر جماعت اسلامی نے کہا کہ اسٹیبلشمنٹ کی مداخلت نے انتخابی نظام کا حلیہ بگاڑ دیا ہے۔ نشستیں چھینی اور من پسند لوگوں میں بانٹی جاتی ہیں۔ دھونس اور دھاندلی سے جاگیردار، وڈیرے اور سرمایہ دار اقتدار کے ایوانوں پر قابض ہو کر عوام کا خون چوس رہے ہیں۔

یہ بھی پڑھیں: ناقابل تردید شواہد فراہم کردیئے، 9 مئی واقعات کے کیسز کا جلد فیصلہ سنایا جائے، عطا تارڑ کی پریس کانفرنس

ظلم کی مذمت

کروڑوں اور اربوں روپے کے اشتہارات دیکر ترقی و خوشحالی کے جھوٹے دعوے کرنا اور لوگوں کی آنکھوں میں دھول جھونکنا حکمرانوں کا پسندیدہ مشغلہ بن چکا ہے۔

یہ بھی پڑھیں: پی ٹی آئی رہنما جیل سے رہا

سیاسی جماعتوں کی پوزیشن

حافظ نعیم الرحمان نے کہا کہ پیپلز پارٹی، (ن) لیگ ہو یا پی ٹی آئی، سب اسٹیبلشمنٹ کے مہرے ہیں۔ باجوہ کو ایکسٹیشن دینے، پرمٹ بانٹنے اور اپنی تنخواہوں میں اضافے کے لیے یہ سب اکٹھے ہوجاتے ہیں، مگر غزہ و کشمیر میں ہونے والے ظلم پر سب خاموش ہو جاتے ہیں۔

یہ بھی پڑھیں: مغوی رکن اسمبلی شدید زخمی حالت میں کھیتوں سے مل گیا، حالت تشویشناک

غزہ پر خاموشی

غزہ میں اسرائیل نے ہزاروں معصوم فلسطینیوں کا قتل عام کیا مگر حکومت کی طرف سے اس ظلم کو روکنے کے لیے کوئی عملی قدم نہیں اٹھایا گیا۔ حکمرانوں کا کام مذمت کرنا نہیں بلکہ اقدامات اٹھانا ہوتا ہے، مگر ہمارے حکمران تو امریکہ کے خوف سے کھل کر مذمت بھی نہیں کررہے۔

یہ بھی پڑھیں: سیلاب زدگان کی مدد کے لیے وزیر اعلیٰ ریلیف کارڈ بنے گا تاکہ کسی کو لائن میں نہ لگنا پڑے، وزیر اطلاعات پنجاب عظمیٰ بخاری

ملک میں ظلم کی صورتحال

امیر جماعت اسلامی نے کہا کہ بلوچ، سندھی، پختون اور پنجابی ہر کوئی حکمرانوں کے ظلم کا شکار ہے۔ جماعت اسلامی ظلم و جبر اور فساد کی جگہ قرآن و سنت کے منصفانہ نظام کے قیام کی جدوجہد کررہی ہے۔

یہ بھی پڑھیں: ثنا یوسف کا قتل، مختلف شہروں میں 11 چھاپے، 37 لوگوں سے تفتیش، گرفتار ملزم پہلے بھی ملاقات کی کوشش کر چکا: پولیس

آئینی حکمرانی کی خواہش

انتخابات پرامن انقلاب کا ایک ذریعہ ہیں۔ جماعت اسلامی ملک میں آئین و دستور کی بالا دستی اور قانون کی حکمرانی چاہتی ہے۔ اس مقصد کے حصول کے لیے ہم قوم کو فروعی اختلافات سے نکال کر اتحاد و یکجہتی کے لیے کوشاں ہیں۔

عوام کی رائے

عوام نے فارم 47 کی جعلی حکومت کو تسلیم نہیں کیا۔ ہم نے عوام کی اس حق تلفی کی پرزور مذمت کی اور اس کے خلاف ہر سطح پر احتجاج کیا۔ مخصوص نشستوں کے ظالمانہ فیصلے کی مذمت کرتے ہوئے ہم نے یہ نشستیں پی ٹی آئی کو دینے کا مطالبہ کیا، مگر مقتدر ٹولہ کسی آئین و قانون کو خاطر میں نہ لاتے ہوئے ملک کو بند گلی میں دھکیلنے پر تلا بیٹھا ہے۔