ملک بھر میں مون سون سپیل، لاہور سمیت کئی شہروں میں موسلادھار بارش

ملک بھر میں مون سون کا ہیوی سپیل

لاہور(ڈیلی پاکستان آن لائن) ملک بھر میں مون سون کا ہیوی سپیل جاری ہے، لاہور، ملتان، سیالکوٹ، گجرات، گوجرانوالہ، بہاولپور اور لیہ میں بادل برس پڑے۔

یہ بھی پڑھیں: فیصل آباد: نجی سوسائٹی میں مالک مکان کے مبینہ تشدد سے 13سالہ ملازمہ جاں بحق

بارش کے مختلف مقامات

نجی ٹی وی چینل دنیا نیوز کے مطابق لاہور کے علاقے گلبرگ، کلمہ چوک اور مغل پورہ کےعلاقوں میں بارش ہوئی، گڑھی شاھو، لکشمی چوک میں بھی گرج برس ہوئی، فیروز پور روڈ، جوہر ٹاؤن اور علامہ اقبال ٹاؤن کے علاقوں میں بادل جم کر برسے، نشیبی علاقوں میں پانی جمع ہوگیا۔

یہ بھی پڑھیں: مرغی کو گوشت مزید سستا، قیمت 500 روپے کلو سے بھی نیچے آ گئی

اسلام آباد اور راولپنڈی میں بارش

اسلام آباد اور راولپنڈی میں موسلادھار بارش ہوئی، گرمی اور حبس کا زور ٹوٹ گیا، ہنگو میں بادل جم کر برسے، ہری پور میں طوفانی بارش کے باعث مختلف مقامات پر لینڈ سلائیڈنگ ہوئی، متعدد سڑکیں آمدورفت کیلئے بند کردی گئیں، کراچی میں بادلوں کے ڈیرے رہے، رم جھم سے موسم خوشگوار ہوگیا۔

یہ بھی پڑھیں: بلاول بھٹو اور فیصل واوڈا کی ملاقات، سیاسی صورتحال پر تبادلہ خیال

قلات میں شدید بارش

قلات میں گرج چمک کے ساتھ تیز بارش ہوئی، نشیبی علاقے ڈوب گئے، ندی نالوں میں طغیانی کا خدشہ پیدا ہوگیا، این ڈی ایم اے نے 10 جولائی تک ملک بھر میں شدید بارشوں اور سیلابی صورتحال کا الرٹ جاری کردیا۔

یہ بھی پڑھیں: اوورسیز پاکستانیوں کو بڑی سہولت مل گئی

طغیانی اور ریسکیو کی کوششیں

کوہ سلیمان سے نکلنے والی 7 برساتی ندیوں میں طغیانی، شکر گڑھ کے نالہ بئیں میں درمیانے درجے کا سیلاب آگیا، علاقے میں پھنسے چرواہوں اور مویشیوں کو نکال لیا گیا۔

حالیہ حادثات کی رپورٹ

پی ڈی ایم اے کی جاری کردہ رپورٹ میں بتایا گیا تھا کہ بلوچستان میں حالیہ بارشوں سے حادثات میں خواتین اور بچوں سمیت 10 افراد جان سے گئے۔