پاکستان نے ڈونلڈ ٹرمپ کو 2026 کے نوبیل امن انعام کے لیے نامزد کر دیا، وائٹ ہاؤس کی تصدیق

پاکستان کی نوبیل امن انعام کے لیے نامزدگی

واشنگٹن (ڈیلی پاکستان آن لائن) وائٹ ہاؤس نے تصدیق کی ہے کہ پاکستان نے سابق امریکی صدر ڈونلڈ ٹرمپ کو 2026 کے نوبیل امن انعام کے لیے نامزد کیا ہے۔

یہ بھی پڑھیں: فتنہ پارٹی خیبرپختونخوا میں جلسہ جلسہ کھیلے ہمیں کوئی مسئلہ نہیں : عظمیٰ بخاری

وائٹ ہاؤس کی بیان

وائٹ ہاؤس کی پریس سیکریٹری کیرولین لیویٹ نے اس معاملے پر ایک بریفنگ میں بات کرتے ہوئے کہا کہ یہ نامزدگی پاکستان کی طرف سے صدر ٹرمپ کی فیصلہ کن سفارتی کوششوں کے اعتراف کی علامت ہے۔ انہوں نے کہا کہ صدر ٹرمپ کی کوششوں نے دو جوہری طاقتوں کے درمیان انتہائی خطرناک صورتحال کو ختم کرنے میں مدد دی۔ لیویٹ نے دنیا بھر میں حالیہ سفارتی کامیابیوں پر بھی ٹرمپ کی تعریف کی۔

یہ بھی پڑھیں: آپریشنل مسائل: پی آئی اے کی 4 پروازیں منسوخ، 36 تاخیر کا شکار

پاکستان اور بھارت کے درمیان فوجی تصادم

بھارت کے پاکستان پر حملے کے بعد پاک فوج نے فیصلہ کن جوابی کارروائی کرتے ہوئے بھارت کے 5 طیارے گرائے جن میں رافیل بھی شامل تھے، جس کے بعد 10 مئی کو آپریشن بنیان مرصوص کیا گیا جس میں متعدد بھارتی فوجی تنصیبات کو کامیابی سے نشانہ بنایا گیا۔

یہ فوجی تصادم تقریباً 87 گھنٹوں تک جاری رہا، جو 10 مئی کو جنگ بندی معاہدے کے ساتھ ختم ہوا۔

کونگریس مین کی جانب سے نامزدگی

ٹرمپ کو ایک امریکی کانگریس مین نے بھی نوبیل انعام کے لیے نامزد کیا ہے، جنہوں نے اسرائیل اور ایران کے درمیان کشیدگی کم کرنے میں ٹرمپ کے کردار کو سراہا۔