عمران خان کے بیٹے قاسم اور سلمان پی ٹی آئی کی احتجاجی تحریک کا حصہ بنیں گے: علیمہ خان

علیمہ خان کا بیان

راولپنڈی(ڈیلی پاکستان آن لائن) پاکستان تحریک انصاف ( پی ٹی آئی ) کے بانی کی بہن علیمہ خان نے اعلان کیا ہے کہ عمران خان کے بیٹے قاسم اور سلمان پی ٹی آئی کی احتجاجی تحریک کا حصہ بنیں گے۔

یہ بھی پڑھیں: مستونگ؛ نامعلوم کی گاڑی پر فائرنگ، خاتون سمیت 3 افراد جاں بحق

عمران خان سے ملاقات

منگل کے روز عمران خان سے ملاقات کے بعد اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ قاسم اور سلمان کو احتجاجی تحریک میں شامل ہونے کے لیے والد کی اجازت کی ضرورت نہیں، انہیں ہم نے روک رکھا تھا۔

یہ بھی پڑھیں: ٹی 20 ورلڈکپ، پاکستان کے بائیکاٹ کے باوجود بھارتی ٹیم سری لنکا جائے گی، سوریا کمار یادیو کی تصدیق

بچوں کی آزادی

علیمہ خان کا کہنا تھا کہ بچے اب بھی والد سے اجازت ضروری نہیں سمجھتے اور انہوں نے صرف بتایا ہے کہ وہ امریکا سے واپسی پر تحریک کا حصہ بنیں گے۔

احتجاجی تحریک کی تیاری

علیمہ خان نے مزید کہا کہ بانی نے ہدایت کی ہے کہ پانچ اگست کو احتجاجی تحریک عروج پر پہنچنی چاہیے اور ہماری پوری فیملی احتجاج میں بھرپور شرکت کرے گی۔