چوہدری پرویز الہیٰ کا پی ٹی آئی کو احتجاج کے بجائے مفاہمت اور مذاکرات کا مشورہ

پرویز الٰہی کا بیان

راولپنڈی (ڈیلی پاکستان آن لائن) پاکستان تحریک انصاف کے سینئر رہنما اور سابق وزیر اعلیٰ پنجاب پرویز الٰہی نے کہا ہے کہ مفاہمت ہی بہتر ہے، مذاکرات سے کوئی نہ کوئی صورتحال بہتر نکل آتی ہے۔

یہ بھی پڑھیں: اسرائیلی طیارے ترک فضائی حدود میں داخل ہوئے توان سے کیسا سلوک ہوا۔ اہم تفصیلات سامنے آ گئیں۔

میڈیا سے گفتگو

نجی ٹی وی ایکسپریس نیوز کے مطابق، راولپنڈی میں احتساب عدالت میں پیشی کے موقع پر میڈیا سے گفتگو کرتے ہوئے ان کا کہنا تھا کہ ہمیشہ بہتری کی امید رکھنی چاہیے اور حالات بہتر ہوں گے، مجھے امید ہے۔

یہ بھی پڑھیں: ایران نے امریکی اڈوں کو نشانہ بنانے کی تیاری مکمل کرلی: نیویارک ٹائمز کا دعویٰ

ملکی حالات پر رائے

صحافی نے چوہدری پرویز سے سوال کیا کہ آپ کو ملکی حالات کس طرف جاتے ہوئے دکھائی دے رہے ہیں، اس پر ان کا کہنا تھا کہ ہمیشہ بہتری کی امید رکھنی چاہیے اور حالات بہتر ہوں گے، مجھے امید ہے۔

یہ بھی پڑھیں: چیف آف آرمی سٹاف جنرل سید عاصم منیر کی برطانیہ میں “مشق کیمبرین پیٹرول” میں گولڈ میڈل حاصل کرنیوالی پاک آرمی ٹیم سے ملاقات

صدر مملکت کی تبدیلی پر بات چیت

صدر مملکت آصف زرداری کو تبدیل کیے جانے یا ہٹائے جانے سے متعلق بات چیت ہو رہی ہے؟ 27 ویں آئینی ترمیم لائی جا رہی ہے، کیا کہیں گے؟ ان سوالات کے جواب میں ان کا کہنا تھا کہ "اچھا او ہو یہ تو میں آپ سے سن رہا ہوں۔"

یہ بھی پڑھیں: کیا ٹیپو سلطان اپنے مخالفین پر شدید تشدد کے حامی تھے؟

احتجاج کا پروگرام

سابق وزیر اعلیٰ پنجاب سے پوچھا گیا کہ بانی پی ٹی آئی عمران خان کی رہائی کے لیے اب پانچ اگست کو احتجاج کی کال دی گئی ہے اور دوسری طرف مذاکرات کی بات بھی ہو رہی ہے، کون سا راستہ درست ہے؟ جواب میں پرویز الہیٰ نے کہا کہ "پہلے مذمت ہوتی ہے پھر مفاہمت ہوتی ہے، تو مفاہمت ہی بہتر ہے، مذاکرات سے کوئی نہ کوئی صورتحال بہتر نکل آتی ہے۔"

یہ بھی پڑھیں: دشمن کے کسی بھی مس ایڈونچر کا مقابلہ کرنے کیلئے تیار ہیں، پاک بحریہ

مذاکرات کے حوالے سے حالیہ پیشرفت

ان کا کہنا تھا کہ دیکھیں مذاکرات سے متعلق تو پی ٹی آئی کی لیڈرشپ نے ایک خط بھی لکھا ہے، اس کا تاحال کوئی جواب یا پیشرفت سامنے نظر نہیں آئی، دیکھیں کیا ہوتا ہے۔

یہ بھی پڑھیں: مسلم لیگ ن لندن کے زیر اہتمام یومِ تکبیر کا جشن ، نواز شریف کے فیصلے کو “دُلیرانہ  فیصلہ” قرار دیا گیا

وارنٹ گرفتاری کا معاملہ

اراضی کیس میں سابق وزیراعلی پرویز الٰہی کے وارنٹ گرفتاری منسوخ کردیے گئے ہیں، پیش نہ ہونے پر احتساب کی خصوصی عدالت کے جج شیخ اعجاز علی وارنٹ گرفتاری جاری کیے تھے۔

عدالت میں پیشی

پرویز الٰہی کو آج عدالت میں پیش ہونے کا حکم جاری کیا گیا تھا، آج ملزمان میں ریفرنس چالان کی نقول تقسیم کی جائیں گی۔