وزیر اطلاعات پنجاب عظمیٰ بخاری کا بیرسٹر سیف کے بیان اور آڈٹ رپورٹ پر ردعمل آ گیا

وزیر اطلاعات کا تحریک انصاف کے رہنما پر ردعمل

لاہور ( ڈیلی پاکستان آن لائن ) وزیر اطلاعات پنجاب عظمیٰ بخاری نے تحریک انصاف کے رہنما بیرسٹر سیف کے حالیہ بیان پر شدید ردعمل دیتے ہوئے کہا ہے کہ مسٹر جعلی دانشور آڈٹ رپورٹ کو غور سے پڑھیں، اس میں آپ کی قیادت کا کچا چھٹا درج ہے۔

یہ بھی پڑھیں: کیا پی ٹی آئی کا ہر ایم این اے 10 ہزار لوگ اپنی جیب میں ڈال کر لائے گا؟ رانا ثناء اللہ

کرپشن کی حقیقت

پی ٹی آئی جن اعداد و شمار کو بنیاد بنا کر پروپیگنڈہ کر رہی ہے، وہ دراصل بزدار اور پرویز الٰہی کے دور کی آڈٹ رپورٹ ہے۔ صفحہ نمبر 87 اور 96 پڑھ لیں، شاید تھوڑی شرم آ جائے۔

یہ بھی پڑھیں: ٹی 20 ورلڈکپ کے لیے پاکستان کا 15 رکنی اسکواڈ فائنل ہوگیا

گندم کی خریداری اور سبسڈی کی حقیقت

وزیر اطلاعات پنجاب نے واضح کیا کہ جس 10 کھرب روپے کی کرپشن کا شور مچایا جا رہا ہے، وہ درحقیقت 2018 سے 2023 کے دوران گندم کی خریداری اور سبسڈی سے متعلق ہے، اور اس عرصے میں پنجاب میں حکومت کس کی تھی، یہ پوری قوم بخوبی جانتی ہے۔

یہ بھی پڑھیں: پاک بھارت کشیدگی؛ آزاد کشمیر میں تمام سرکاری و نجی اسکول تاحکم ثانی بند رکھنے کا اعلان

پی ٹی آئی کا دور اور کرپشن

پی ٹی آئی کا 4 سالہ دور پنجاب کی تاریخ کا سیاہ ترین باب ہے، جہاں کرپشن، نااہلی اور لوٹ مار نے ہر شعبے کو متاثر کیا۔ جو لوٹ مار گزشتہ 12 سال سے خیبرپختونخوا میں جاری تھی، وہی ماڈل 4 سال پنجاب میں بھی نافذ کیا گیا۔

یہ بھی پڑھیں: امریکی ریاست کولوراڈو میں اسرائیل کے حق میں ریلی پر نامعلوم شخص کا حملہ

ماضی کی کرپشن کی یادیں

عظمیٰ بخاری نے کہا کہ ان 4 برسوں میں بشریٰ بی بی اور فرح گوگی کی کرپشن بھی ریکارڈ کا حصہ بن چکی ہے۔ شریف فیملی کے بغض میں ان کا لیڈر وزیراعظم ہاؤس سے ڈائری اٹھا کر سیدھا اڈیالہ جا پہنچا۔

آخری خدشات

آخر میں انہوں نے کہا کہ علی امین گنڈاپور اور بیرسٹر سیف جیسے کرداروں کا انجام بھی ’’نیکسٹ سٹاپ – اڈیالہ‘‘ واضح نظر آ رہا ہے۔