ملک بھر میں طوفانی بارشیں، نشیبی علاقے زیرآب، بجلی کا نظام درہم برہم

مون سون کی طوفانی بارشیں جاری

اسلام آباد (ویب ڈیسک) ملک کے مختلف شہروں میں مون سون کی طوفانی بارشوں کا سلسلہ جاری ہے۔ ملک کے بیشتر علاقوں میں جل تھل ایک ہوگیا۔

یہ بھی پڑھیں: بھارتی بیٹر ویرات کوہلی کا ٹیسٹ کرکٹ سے ریٹائرمنٹ کا اعلان

اسلام آباد میں بارش کا سلسلہ

سماء ٹی وی کے مطابق اسلام آباد میں وقفے وقفے سے موسلا دھار بارشوں کا سلسلہ جاری ہے۔ بلیو ایریا، آبپارہ، بری امام، بارہ کہو اور میلوڈی میں بادل برسے۔ گجرات، سیالکوٹ، جہلم، حافظ آباد، نارروال، جڑانوالہ، مرید کے اور اوکاڑہ سمیت پنجاب بھر میں بادلوں کی گھن گرج سے نشیبی علاقے زیر آب آگئے۔ متعدد فیڈر ٹرپ کر گئے۔

یہ بھی پڑھیں: فیض حمید کے ’’کورٹ مارشل‘‘ میں سب کیلئے سبق ، اہم الزام کیا ،آئی ایس آئی کا ’سیاسی سیل‘ کس نے قائم کیا ؟ مظہر عباس نے اہم تفصیلات شیئر کر دیں.

لاہور میں بارش کا ریکارڈ

لاہور میں مون سون کا اب تک کا سب سے تگڑا سپیل جاری ہے۔ مختلف علاقوں میں بارش جاری ہے، بارش 150 ملی میٹر کا ہندسہ کراس کرگئی ہے۔ سب سے زیادہ بارش 162 ملی میٹر نشتر ٹائون میں ریکارڈ کی گئی ہے۔

یہ بھی پڑھیں: پاکستانی فائٹرز کی بھارت کے خلاف شاندار فتح، پانچوں مقابلے جیت لیے

سندھ اور بلوچستان میں بارشیں

دادو، سیہون، جیکب آباد، شہداد کوٹ اور گھڑی خیرو سمیت سندھ میں بھی تیز بارش ہوئی۔ بلوچستان کے مختلف شہروں میں بھی موسلادھار بارش ہوئی۔ موسیٰ خیل میں تیز آندھی اور موسلا دھار بارش سے بجلی کا نظام درہم برہم ہوگیا۔ سبی میں اور کوہلو بھی جل تھل ایک ہوگیا۔

آئندہ کے خدشات

محکمہ موسمیات نے آئندہ دو روز میں مزید تیز بارشوں کی پیشگوئی کی ہے، جس سے ندی نالوں میں طغیانی اور پہاڑی علاقوں میں لینڈ سلائیڈنگ کا خدشہ ہے۔ اربن فلڈنگ کے خطرے کے پیشِ نظر شہری علاقوں میں الرٹ جاری کر دیا گیا ہے.