رابعہ بٹ کی سوشل میڈیا پر طویل خاموشی، مداح تشویش میں مبتلا

رابعہ بٹ کی سوشل میڈیا پر غیر موجودگی

لاہور (ڈیلی پاکستان آن لائن) مقبول ماڈل و اداکارہ رابعہ بٹ کی سوشل میڈیا پر طویل غیر موجودگی نے ان کے مداحوں کو تشویش میں مبتلا کر دیا ہے، جو ان کی خیریت جاننے کے لیے مسلسل تبصرے کر رہے ہیں۔

یہ بھی پڑھیں: ابتک 25 اسرائیلی ساخت کے ہیروپ ڈرونز کو مار گرایا گیا،آئی ایس پی آر

شہرت کے سفر کا آغاز

ڈان نیوز کے مطابق رابعہ بٹ پاکستان کی باصلاحیت سپر ماڈل اور اداکارہ ہیں، جنہوں نے ‘آنگن‘، ‘پہلی سی محبت‘، ‘جیون نگر‘، ‘یہ دل میرا‘ اور دیگر ڈراموں کے ذریعے شہرت حاصل کی۔ حال ہی میں ان کی اداکاری کو ‘جیون نگر‘ میں بہت سراہا گیا، جس کے بعد وہ سوشل میڈیا سے غائب ہو گئیں۔ ان کے انسٹاگرام پر تقریباً 10 لاکھ فالوورز ہیں۔

یہ بھی پڑھیں: اکشے کمار دوست نہیں، صرف ساتھی اداکار ہیں، پاریش راول کا بیان

حمیرا اصغر کی موت کا اثر

گزشتہ دنوں اداکارہ و ماڈل حمیرا اصغر کی موت کے بعد مداحوں کو احساس ہوا کہ اداکارہ رابعہ بٹ بھی کافی عرصے سے سوشل میڈیا پر غیر فعال ہیں۔ اداکارہ نے انسٹاگرام پر آخری پوسٹ دسمبر 2024 میں کی تھی۔

یہ بھی پڑھیں: نہری مسئلہ: صدر زرداری کی منظوری کا بولنے والے کیا وہاں سلیمانی ٹوپی پہن کر بیٹھے تھے؟ مراد علی شاہ

مداحوں کی تشویش

مداح ان کی انسٹاگرام پوسٹس پر جا کر تبصرے کر رہے ہیں اور ان کی خیریت دریافت کرنے کی کوشش کر رہے ہیں۔ ایک مداح نے ان کی پوسٹ پر تبصرہ کرتے ہوئے لکھا کہ وہ پچھلی دو عیدوں سے ان کا انتظار کر رہے ہیں، پلیز انسٹاگرام پر کچھ پوسٹ کریں۔ ایک اور مداح نے لکھا کہ حمیرا اصغر کی موت کے بعد سے انہیں اداکارہ کی بہت فکر ہو رہی ہے۔

یہ بھی پڑھیں: خواہش ہے پاکستان میں ہر دل خوش اور ہر چہرہ مسکراتا نظر آئے:وزیر اعلیٰ کا “مہربانی” کے عالمی دن پر پیغام

رابعہ بٹ کا جواب

بعد ازاں کئی مداحوں نے مشی خان، ماورا حسین، سونیا حسین اور یاسر حسین کو ان کی انسٹاگرام پوسٹس پر ٹیگ بھی کیا تاکہ وہ رابعہ بٹ سے رابطہ کر سکیں۔ مداحوں کے بے شمار پیغامات کے بعد رابعہ بٹ کو اپنے آفیشل انسٹاگرام اکاؤنٹ پر آکر وضاحت دینی پڑی۔ انہوں نے لکھا کہ جن سب کو میری فکر ہے، یہ پیغام اُن کے لیے ہے، شکریہ ان سے رابطہ کرنے کے لیے، وہ زندگی کے ایک سفر پر ہیں اور اس وقت اس بارے میں بات نہیں کر سکتی۔

مداحوں سے دعا کی درخواست

اداکارہ نے لکھا کہ اگر وہ چیز ملی جس کی تلاش ہے تو وہ ضرور مداحوں کو بتائیں گی اور اگر نہ ملی تو بھی سمجھ آ جائے گا، لیکن دونوں صورتوں میں چیزیں ویسی نہیں رہیں گی جیسی تھیں۔ رابعہ بٹ نے مداحوں سے دعاؤں کی بھی درخواست کی۔