اماراتی ایئر لائن اور دبئی ڈیوٹی فری میں کرپٹو کرنسی سے ادائیگی کی سہولت متعارف

ایمریٹس ایئرلائن کا نیا اقدام

دبئی (ڈیلی پاکستان آن لائن) دبئی کی معروف ایئرلائن Emirates Airline اور Dubai Duty Free نے اعلان کیا ہے کہ وہ جلد ہی کرپٹو کرنسی کے ذریعے ادائیگی کی سہولت متعارف کرانے جا رہے ہیں۔

یہ بھی پڑھیں: یکم اپریل سے اب تک کتنے غیر قانونی غیر ملکیوں کو واپس بھیجا جا چکا ہے۔۔؟ اہم تفصیلات سامنے آ گئیں

نوجوان صارفین کے لیے سہولت

نجی ٹی وی ایکسپریس نیوز کے مطابق اس فیصلے کا مقصد نوجوان اور ٹیکنالوجی سے وابستہ صارفین کو بہتر سہولت فراہم کرنا ہے جو ڈیجیٹل کرنسی کو ترجیح دیتے ہیں۔

یہ بھی پڑھیں: پاکستان کو دنیا بھر کے مظلوم مسلمانوں خصوصاً فلسطین کے لیے بھرپور آواز بلند کرنے کی ضرورت ہے: مولانا فضل الرحمٰن

معاہدہ اور ادائیگی کی تفصیلات

یہ پیش رفت Emirates اور Crypto.com کے درمیان طے پانے والے ایک معاہدے (MoU) کے تحت ہوئی، جس پر HH شیخ احمد بن سعید آل مکتوم کی موجودگی میں دستخط کیے گئے۔

اس معاہدے کے مطابق صارفین آئندہ سال سے فلائٹس اور ڈیوٹی فری خریداری کیلئے بٹ کوائن، ایتھریئم اور دیگر کرپٹو کرنسیز سے ادائیگی کر سکیں گے۔

یہ بھی پڑھیں: لکی مروت میں نامعلوم افراد کی فائرنگ، ایف سی اہلکار جاں بحق

کرپٹو مارکیٹ میں ترقی

یہ پیش رفت اس وقت سامنے آئی جب بٹ کوائن کی قیمت پہلی بار 112,000 ڈالر سے تجاوز کر گئی ہے۔ دبئی پہلے ہی کرپٹو انویسٹمنٹ کے حوالے سے خطے کا سب سے بڑا مرکز بن چکا ہے، جہاں 2024 میں 30 ارب ڈالر سے زائد کی سرمایہ کاری آئی۔

بلاک چین کے ذریعے ورچوئل رئیل اسٹیٹ کی شمولیت

دبئی لینڈ ڈیپارٹمنٹ پہلے ہی ورچوئل رئیل اسٹیٹ میں بلاک چین کو شامل کرنے کیلئے Crypto.com سے شراکت کر چکا ہے، اور دبئی کی کئی بڑی کمپنیز جیسے ریئل اسٹیٹ اور ٹیلی کام ادارے پہلے ہی کرپٹو قبول کر رہے ہیں۔