اداکارہ حمیرا اصفر لاہور میں سپردِ خاک

ماڈل حمیرا اصغر کی تدفین

لاہور (ڈیلی پاکستان آن لائن) کراچی کے علاقے ڈیفنس کے فلیٹ میں مردہ حالت میں ملنے والی ماڈل و اداکارہ حمیرا اصغر کو لاہور میں نمازِ جنازہ کی ادائیگی کے بعد سپردِ خاک کر دیا گیا۔ ماڈل و اداکارہ حمیرا اصغر کی تدفین لاہور کے پنڈی راجپوتاں قبرستان میں کی گئی۔

یہ بھی پڑھیں: پاکستان اور روسی افواج کی مشترکہ مشق اختتام پذیر

حمیرا اصغر کی موت کی تفصیلات

واضح رہے کہ 8 جولائی کو اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی تھی۔ وہ گزشتہ 7 سال سے اس کرائے کے فلیٹ میں مقیم تھیں، اور 2018ء میں لاہور سے کراچی منتقل ہوئی تھیں۔ حمیرا اصغر فلیٹ میں 7 سال سے اکیلی رہ رہی تھیں، اور 2018ء میں یہ فلیٹ کرائے پر لیا تھا۔ وہ 2024ء سے کرایہ نہیں دے رہی تھیں، جس کے باعث کلفٹن کنٹونمنٹ بورڈ میں مالک مکان نے کیس کیا تھا۔ بیلف کے آنے پر دروازہ بند تھا، جب دروازہ نہ کھلنے پر توڑا گیا، تو کمرے میں ایک خاتون کی لاش پڑی ملی۔

پوسٹ مارٹم کی رپورٹ

پوسٹ مارٹم رپورٹ کے مطابق اداکارہ کی لاش 8 سے 10 ماہ پرانی تھی۔ ان کے جسم میں کوئی ہڈی ٹوٹی ہوئی نہیں پائی گئی۔ اداکارہ کے بال اور شرٹ کے ٹکڑے کیمیائی معائنے کے لیے بھیجے گئے تھے، جبکہ نچلے حصے کا گوشت مکمل طور پر ختم ہو چکا تھا۔ رپورٹ میں یہ بات سامنے آئی کہ لاش ڈی کمپوز کے بالکل آخری اسٹیج پر تھی، اور لاش میں کیڑے بھی پڑ چکے تھے۔ گزشتہ روز حمیرا اصغر کے بھائی نوید اصغر اور دیگر رشتے دار کراچی میں سماجی ادارے کے سرد خانے سے ان کی میت وصول کر کے گزشتہ روز ہی لاہور لے گئے۔