اسلام آباد سے گلگت بلتستان جانے والی تمام مسافر بس سروسز کو سیکیورٹی خدشات کے پیش نظر غیر معینہ مدت کے لیے بند کر دیا گیا

مسافر بس سروسز کی بندش

گلگت (ویب ڈیسک) مائیکروبلاگنگ سائٹ ایکس (ٹوئٹر) پر ویریفائیڈ اکاؤنٹ گلگت بلتستان ٹورازم نے دعویٰ کیا ہے کہ اسلام آباد سے گلگت بلتستان جانے والی تمام مسافر بس سروسز کو سیکیورٹی خدشات کے پیش نظر غیر معینہ مدت کے لیے بند کر دیا گیا ہے۔ اس کی سرکاری طورپر تصدیق نہیں ہوسکی۔ تاہم، انٹرنیٹ پر ڈپٹی کمشنر دیامیر کی طرف سے بادی النظر میں جاری ہونے والا ایک نوٹیفکیشن گردش کر رہا ہے جس میں ہوم ڈیپارٹمنٹ گلگت بلتستان کی طرف سے ہدایات موصول ہونے کی اطلاع دی گئی ہے۔

یہ بھی پڑھیں: پی ٹی آئی پارلیمانی پارٹی اجلاس میں بجٹ اجلاس کا بائیکاٹ کرنے کی تجویز مسترد

نوٹیفکیشن کی تفصیلات

نوٹیفکیشن کے مطابق، 12 جولائی (آج) سے دن کی روشنی میں بس ٹرانسپورٹیشن کی اجازت ہے، لیکن رات کے سفر کی اجازت صورتحال کو دیکھ کر دی جائے گی۔

مسافرین کی جانب سے اپیل

جی بی ٹورازم کا مزید کہنا ہے کہ "یہ سراسر زیادتی ہے! سیاحت کے عروج کے وقت اسلام آباد سے گلگت بلتستان جانے والی تمام مسافر بسیں بند کر دی گئیں۔ حکومت کو چاہیے کہ سیکیورٹی قائم کرے، راستے کھولے، مسافروں سے گزارش ہے کہ سفر سے قبل تصدیق ضرور کریں"۔

اہم اطلاع..
اسلام آباد سے گلگت بلتستان جانے والی تمام مسافر بس سروسز کو سیکیورٹی خدشات کے پیش نظر غیر معینہ مدت کے لیے بند کر دیا گیا ہے۔
یہ سراسر زیادتی ہے!
اسلام آباد سے گلگت بلتستان جانے والی تمام مسافر بسیں بند کر دی گئیں — وہ بھی سیاحت کے عروج کے وقت!
حکومت کو چاہیے کہ…

— Gilgit Baltistan Tourism. (@GBTourism_) July 11, 2025