رائٹ مینجمنٹ پولیس فورس قائم، 3ہزار جوانوں کی ریجنل ہیڈ کوارٹرز میں تعیناتی، سرکاری اور نجی املاک کو پہنچنے والے نقصان کو روکنے کے لیے

وزیراعلیٰ پنجاب کا شاندار اقدام

لاہور (ڈیلی پاکستان آن لائن) وزیراعلیٰ پنجاب مریم نواز نے عوام کے جان و مال اور سرکاری املاک کے تحفظ کے لیے پاکستان کی پہلی باقاعدہ رائٹ مینجمنٹ پولیس فورس قائم کردی ہے۔ وزیراعلیٰ کی ہدایت پر قائم رائٹ مینجمنٹ پولیس کی ٹریننگ سنٹر فاروق آباد میں خصوصی ٹریننگ مکمل ہوگئی۔ پنجاب کی پہلی رائٹ مینجمنٹ پولیس ابتدائی طور پر 5 ہزار اہلکاروں پر مشتمل ہوگی۔ پہلے بیج میں شامل 3 ہزار رائٹ مینجمنٹ پولیس اہلکاروں کی ٹریننگ مکمل ہونے پر پولیس ٹریننگ سنٹر فاروق آباد میں پاسنگ آؤٹ تقریب منعقد ہوئی۔

یہ بھی پڑھیں: قیدیوں سے ملاقات کے لیے ایس او پیز جاری، عملدرآمد نہ ہونے پر کارروائی ہوگی

ٹریننگ کی کامیابی

ٹریننگ مکمل کرنے والے جوانوں نے مشتعل مظاہرین کو کنٹرول کرنے کے لیے مشقوں کا شاندار مظاہرہ کیا۔ رائٹ مینجمنٹ پولیس کے 3 ہزار جوانوں کی ریجنل ہیڈ کوارٹرز میں تعیناتی ہوگی، ہر ریجن میں 250 اہلکار متعین ہوں گے۔ رائٹ مینجمنٹ پولیس کو مختلف اقسام کے ہجوم کو کنٹرول کرنے کی خصوصی تربیت دی گئی ہے۔ یہ فورس ہجوم کو املاک کو نقصان سے بچانے کے لیے انگیج بھی کرے گی۔

یہ بھی پڑھیں: سوتیلی بیٹی کو مبینہ زیادتی کا نشانہ بنانے اور بلیک میل کرنے والا باپ گرفتار

کابینہ کی منظوری

وزیراعلیٰ مریم نواز کی زیرصدارت اجلاس میں صوبائی کابینہ نے رائٹ مینجمنٹ پولیس فورس قائم کرنے کی منظوری دی تھی۔ اس فورس میں جسمانی طور پر متحرک، مستعد اور چست اہلکار شامل کیے گئے ہیں۔ پہلے بیج کو پولیس ماہرین نے 8 ہفتوں کی خصوصی پروفیشنل ٹریننگ دی ہے، جو کہ ترقی یافتہ ممالک کی تربیت کے معیارات کے مطابق تھی۔

یہ بھی پڑھیں: بطور خاتون محترمہ فاطمہ جناح کو رول ماڈل سمجھتی ہوں: وزیراعلیٰ مریم نواز

خصوصی ٹیمیں اور آلات

رائٹ مینجمنٹ پولیس فورس 250 اہلکاروں پر مشتمل ہے، جس کی ہر ٹیم میں 15 سب ٹیمیں قائم کی گئی ہیں۔ ان میں فرسٹ ایڈ ٹیم، ڈرون ٹیم، کراؤڈ انگیجمنٹ ٹیم، مذاکراتی ٹیم اور کراؤڈ کنٹرول ٹیم شامل ہیں۔ رائٹ مینجمنٹ پولیس کو خصوصی آلات اور ساز و سامان بھی مہیا کیا گیا ہے، تاکہ مظاہرین کو مؤثر طریقے سے کنٹرول کیا جا سکے۔

یہ بھی پڑھیں: افغان حکومت کی بے حسی؟ واپس بھیجے گئے مہاجرین رل گئے، افسوسناک تفصیلات سامنے آگئیں

پیشہ وارانہ صلاحیت اور انعامات

رائٹ مینجمنٹ پولیس کو پیشہ وارانہ صلاحیت کے لحاظ سے خصوصی الاؤنس بھی دیا جائے گا۔ پاسنگ آؤٹ پریڈ میں ایڈیشنل آئی جی خرم شکور، ڈی آئی جی رائٹ مینجمنٹ اسد سرفراز اور دیگر افسران نے شرکت کی۔ انسپکٹر حافظ خرم شہزاد، سب انسپکٹر شان علی، اسسٹنٹ سب انسپکٹر سجاد ریاض اور ہیڈ کانسٹیبل نعیم نیاز کو شاندار کارکردگی پر انعام سے نوازا گیا۔

عوام کے تحفظ کی پہلی ترجیح

وزیراعلیٰ مریم نواز نے پیغام میں کہا کہ عوام کے جان و مال کا تحفظ پہلی ترجیح ہے۔ رائٹ مینجمنٹ پولیس فورس کا قیام خوش آئند ہے، جس کی بدولت سرکاری اور نجی املاک کو پہنچنے والے نقصانات کو روکا جا سکے گا۔ مشتعل ہجوم کو بحفاظت کنٹرول کرنے سے حالات کو خراب ہونے سے بروقت بچانا ممکن ہوگا۔