پاکستان نے کرپٹو کے شعبے میں جو کام مہینوں پہلے کردیا، اسرائیل وہ کرنے کا اب سوچ رہا ہے۔

پاکستان کی کرپٹو کامیابیاں

یروشلم (ڈیلی پاکستان آن لائن) جو کام پاکستان کئی مہینے پہلے ہی کرچکا ہے وہ اسرائیل جیسے ملک اب کرنے کا سوچ رہے ہیں۔ پاکستان نے طویل عرصہ پہلے کرپٹو کونسل قائم کردی تھی جو بلال بن ثاقب کی قیادت میں پاکستان کیلئے اہم اثاثہ ثابت ہوئی۔ اسی پلیٹ فارم نے فیلڈ مارشل حافظ عاصم منیر کی امریکی صدر ڈونلڈ ٹرمپ سے ملاقات میں اہم کردار ادا کیا۔

یہ بھی پڑھیں: 50 سالہ ایرانی خاتون نے 22 سال کے دوران 11 شوہروں کو زہر دے کر قتل کر دیا

اسرائیل کی کرپٹو حکمتِ عملی

کوائن ورلڈ کی رپورٹ کے مطابق اسرائیل کی پارلیمنٹ (کنیسٹ) میں "اسرائیل کے لیے کرپٹو حکمتِ عملی، معیشت کے لیے ترقی کا انجن" کے عنوان سے ایک اہم تقریب کا انعقاد کیا گیا، جس کا مقصد ڈیجیٹل معیشت کو فروغ دینا ہے۔ اس تقریب میں اراکینِ پارلیمنٹ، ریگولیٹرز، کاروباری شخصیات اور صنعت سے وابستہ بڑے ناموں نے شرکت کی۔

یہ بھی پڑھیں: شہید کو ہلاک لکھنے کا معاملہ، پیمرا نے عدالت میں جواب جمع کرا دیا

حتمی رپورٹ کی پیشکش

تقریب کے دوران اسرائیل کی نیشنل کمیٹی برائے کرپٹو حکمتِ عملی کی حتمی رپورٹ پیش کی گئی، جو ایک ایسا روڈمیپ فراہم کرتی ہے جس کا ہدف اسرائیل کو عالمی سطح پر ایک طاقتور کرپٹو حب میں تبدیل کرنا ہے، بشرطیکہ حکومت فوری اور مؤثر اقدامات کرے۔

یہ بھی پڑھیں: شہباز شریف کی دعوت، ایرانی صدر مسعود پزشکیان اتوار کو پاکستان آئیں گے

تجاویز پر عملدرآمد کی اہمیت

رپورٹ میں سفارش کی گئی ہے کہ اگر اسرائیل ان تجاویز پر تیزی سے عملدرآمد کرے تو وہ عالمی ڈیجیٹل معیشت میں اہم کردار ادا کر سکتا ہے۔ فی الوقت اہم سوال یہ ہے کہ قانون ساز ان سفارشات پر کتنی جلدی عمل کر پائیں گے اور کیا اسرائیل اس موقع سے فائدہ اٹھا کر اپنا عالمی کردار متعین کر پائے گا۔

یہ بھی پڑھیں: پاکستان کو انگلینڈ کے خلاف ٹیسٹ سیریز میں کامیابی کے لیے 36 رنز کا ہدف

ریگولیٹری چیلنجز

رپورٹ میں یہ انتباہ بھی شامل ہے کہ امریکہ، سنگاپور اور دبئی جیسے ممالک پہلے ہی کرپٹو پالیسیوں میں پیش پیش ہیں، جبکہ اسرائیل میں ریگولیٹری غیر یقینی کی وجہ سے قابل افراد ملک چھوڑ رہے ہیں اور کاروباری افراد کا اعتماد متاثر ہو رہا ہے۔

یہ بھی پڑھیں: اسرائیل نے حملے سے پہلے کس طرح خفیہ کارروائیاں انجام دیں؟ موساد کی ویڈیو جاری

مستقبل کی ممکنہ شراکت

اگر حکومت نے تجویز کردہ حکمت عملی اپنائی، تو کرپٹو سیکٹر آئندہ 10 سالوں میں اسرائیلی معیشت میں 120 ارب ڈالر تک کا حصہ ڈال سکتا ہے۔

پاکستان کی برتری

اس رپورٹ سے ظاہر ہوتا ہے کہ اسرائیل میں ابھی تک اس حوالے سے اقدامات نہ ہونے کے برابر ہیں۔ جہاں پاکستان کی کرپٹو کونسل ملکی ترقی کے نئے راستے کھول رہی ہے، وہیں اسرائیل جیسے ممالک اب اس شعبے کی طرف آنے کا سوچ رہے ہیں۔ یہ اس بات کا ثبوت ہے کہ پاکستان کی سمت درست ہے اور جن ممالک سے ہمیں کسی قسم کا خطرہ ہوسکتا ہے، ہم ان سے کتنا آگے ہیں۔