ستاروں کی روشنی میں آپ کا آئندہ ہفتہ کیسا گزرے گا ؟

برج حمل ، سیارہ مریخ، 21 مارچ سے 20 اپریل

اہم ہفتہ ہے جس میں آپ کے مستقبل کی پلاننگ ہو گی اور اپنوں کیلئے کچھ کرنے کا موقع بھی ملے گا۔ جو لوگ نیت صاف رکھ کر اللہ پاک سے مدد مانگ کر چلیں گے وہ بڑے مزے میں رہیں گے اور کیسے ان کیلئے غیبی دروازے کھلتے ہیں ،وہ خود دیکھ لیں گے۔ آپ بہت اچھے انسان ہیں، دوسروں نے ہمیشہ آپ کا فائدہ اٹھایا ہے اور مطلب نکال کر پیچھے ہٹ گئے مگر صلہ تو میرے اللہ نے دینا ہے وہ جلد مل کر رہے گا، آپ بے فکر رہیں۔

یہ بھی پڑھیں: میں سورج ہوں، عروج پر آئوں تو سب کو گرمی لگتی ہے‘ رجب بٹ کا تازہ بیان سامنے آگیا

برج ثور، سیارہ زہرہ، 21 اپریل سے 20 مئی

مالی طور پرمشکلات پیش آ رہی ہیں اور کسی جانب سے فی الحال کوئی سلسلہ بنتا ہوا دکھائی بھی نہیں دے رہا، اس صورت ِحال میں صبر کرنا چاہئے کیونکہ روحانی علاج کریں گے تو راستے کھلیں گے۔ روزانہ بعد نمازِ مغرب سورئہ واقعہ پڑھنا شروع کریں اور اپنے حقوق العباد کا اچھی طرح جائزہ لیں کہ کس جگہ غلطی ہوئی ہے، توبہ کریں، انشاءاللہ سب کچھ ٹھیک ہوتا چلا جائے گا ،فکر نہ کریں اللہ پر بھروسہ کریں۔

یہ بھی پڑھیں: آن لائن اشیاء بیچنے والوں کے لیے بڑی خوشخبری، اب Alibaba کے ذریعے اپنی مصنوعات دنیا میں کہیں بھی باآسانی بھیجیں

برج جوزہ، سیارہ عطارد، 21 مئی سے 20 جون

جسمانی کشش پر توجہ مرکوز نہ رکھیں یہ غلط ہے صرف جائز کام کی طرف جائیں اور جائز رزق کمانے کی کوشش کریں، جو نصیب میں ہو گا وہ انشاءاللہ مل کر رہے گا ،شاٹ کٹ راستہ خرابی ظاہر کر رہا ہے۔ ان دنوں جو آفر آنے والی ہے وہ بڑی اہم ہے غور کریں اگر بات سمجھ میں نہ آئے تو استخارہ سے مدد لے لیں ،آپ کو اب اس کو ہاتھ سے نہیں جانے دینا۔ سابقہ نقصان کا ازالہ کروانا ہے اللہ مدد فرمائے گا۔

یہ بھی پڑھیں: پاکستان اگلے لیول کے لیے بھی تیار، لیکن کیا واقعی نیوکلیئر باڈی کی میٹنگ بھی طلب کرلی؟ وزیردفاع نے واضح کردیا

برج سرطان، سیارہ چاند، 21 جون سے 20 جولائی

وراثت کے امور میں ابھی رکاوٹوں کا سامنا ہے،سب کی نظروں میں برا بن کر ہی آپ کو حق مل سکتا ہے ورنہ شرافت سے تو ملنے سے رہا، جو لوگ کوشش کریں گے وہی کامیاب ہیں۔ اس وقت گھر اور گھر والوں پر توجہ دیں اس معاملے میں بڑی لاپروائی ہو رہی ہے جو اچھی نہیں،وقت کی قدر کریں ورنہ بعد میں پچھتانا پڑے گا ،اپنے گھر پر پوری توجہ دیں۔

یہ بھی پڑھیں: سٹاک مارکیٹ میں منفی رجحان، انڈیکس ایک ہزار سے زائد پوائنٹس تک گر گیا

برج اسد، سیارہ شمس، 21 جولائی سے 21 اگست

دل کے ہاتھوں مجبور ہونا بس کردیں، اللہ کے حضور بھی تو پیش ہونا ہے، کچھ کام اس کی رضا کیلئے بھی کر لیں۔ آپ کو معلوم ہے کہ آپ کس جگہ غلط ہیں پھر بھی باز نہیں آ رہے اور اسی کام میں لگے ہوئے ہیں، توبہ کر کے اگر واپسی کا راستہ اختیار کر لیا جائے گا تو پھر زندگی کا رخ ہی بدل جائے گا۔ اللہ کو راضی کرنا ضروری ہے، ہونا تو وہی ہے جو اللہ نے چاہنا ہے ،یہ یاد رہے۔

یہ بھی پڑھیں: توشہ خانہ 2 کیس، عمران خان اور بشریٰ بی بی کی بریت کی درخواستیں خارج

برج سنبلہ ، سیارہ عطارد، 22 اگست سے 22 ستمبر

اپنے اندر کے شخص کی حفاظت کریں یہ آپ کو کس جانب لیکر جا رہا ہے غور تو کریں، ان دنوں دل کو جس قدر قابو میں رکھ سکتے ہیں ضرور رکھیں، یاد رہے کہ شیطان آپ کے ایمان کو خراب کر سکتا ہے، ابھی وقت ہے اللہ پاک سے پناہ مانگیں اور سختی سے اس کا مقابلہ کریں۔ جو لوگ بیروزگار ہیں وہ انشاءاللہ کام پر لگ جائیں گے اور جس مقصد کے لئے رقم درکار ہو گی اس کا بندوبست بھی ہو جائے گا۔

یہ بھی پڑھیں: بلوچستان کا آئندہ مالی سال کا بجٹ 17 جون کو پیش کیا جائے گا، مشاورت کا عمل جاری

برج میزان ، سیارہ زہرہ، 23 ستمبر سے 22 اکتوبر

لالچی قسم کے لوگ آجکل قریب ہیں ان سے خطرات ہیں جو نظر انداز نہیں کئے جا سکتے۔ آپ کو چند دن بڑے محتاط انداز سے چلنا ہو گا اور جس کام میں بھی ہاتھ ڈالیں حسبنا اللہ ونعم الوکیل کہہ کر ڈالیں اور کسی کا اعتبار نہ کریں،ان دنوں بس یہ سب ہونا چاہئے باقی کچھ نہیں۔جن افراد نے ماضی میں مشکلات کا سامنا کیا تھا ،وہ اب غیبی امداد ملتے ہوئے دیکھیں گے، اللہ ضرور مدد فرمائے گا۔

یہ بھی پڑھیں: سکندر رضا نسلی تعصب کا شکار، شکایت پر مقامی کوچ معطل

برج عقرب ، سیارہ مریخ، 23 اکتوبر سے 22 نومبر

ملازمت پیشہ افراد کے تبادلے کا امکان ہے، رُکے ہوئے کام انشاءاللہ چل پڑیں گے اور جن لوگوں سے رقم لینی ہے ،اس کی واپسی کا امکان ہے جو لوگ عرصہ دراز سے روزگار کے حصول کی وجہ سے پریشان چلے آرہے ہیں، امید ہے کہ ان کو اچھی خبر ملے گی،آج سے ہی رکاوٹوں کا خاتمہ شروع ہو جائے گا۔ آپ کی صحت کا تھوڑا سا مسئلہ ہے، اس کیلئے راشن کی صورت میں صدقہ ضرور دیں، صدقہ بلاﺅں کو ٹالتا ہے۔

یہ بھی پڑھیں: کینیڈا کا ویزا اپلائی کرنے کے خواہشمند افراد کے لیے اہم خبر

برج قوس ، سیارہ مشتری، 23 نومبر سے 20 دسمبر

ہر دوسرے دن کسی نہ کسی پکڑ میں آجاتے ہیں نہ جانے کس وجہ سے ایسا ہو رہا ہے حالانکہ زائچہ تو ٹھیک ہے، اس کا مطلب ہے کہ کسی جگہ کوئی غلطی ہوگئی ہے اس کیلئے استخارہ کریں اور توبہ سے کام لیں۔ دوسروں کے حق میں دعا بھی کر دیا کریں، اللہ بڑا مہربان ہے ،مہربانی فرمائے گا۔جن لوگوں نے تنگ کر رکھا تھا اب وہ خود بخود دُور ہو جائیں گے۔ آپ ان پر حاوی ہوتے ہوئے بھی نظر آتے ہیں۔

یہ بھی پڑھیں: خیبرپختونخوا کے محکمہ صحت سے مایوسی، کیا واقعی ڈاکٹر محمد علی خان گنڈا پور نے پشاور چھوڑ دیا؟

برج جدی ، سیارہ زحل، 21 دسمبر سے 19 جنوری

آپ کیلئے انشاءاللہ بہتر ی کا وقت شروع ہو رہا ہے عرصہ دراز تک مشکلات نے آپ کو گھیرے رکھا بندش میں بھی آگئے تھے، اب اس سے نکل چکے ہیں اس کا اندازہ اچھی خبروں کے ملنے سے ہو جائے گا۔ جو ساتھ چھوڑ گئے دوبارہ ملنے کی کوشش کریں گے آپ بھی اب درگزر سے کام لیں، جہاں آپ سے زیادتی ہوئی ہے ان سے خود جا کر معافی مانگ لیں معافی اللہ کو پسند ہے، اللہ راضی ہو گا۔

یہ بھی پڑھیں: قائمہ کمیٹی انسانی حقوق کا اجلاس؛ثنا یوسف کی والدہ بتائیں کیا پولیس کی کارروائی سے مطمئن ہیں؟عرفان صدیقی کے سوال پر مقتولہ کی والدہ نے بتا دیا

برج دلو ، سیارہ زحل، 20 جنوری سے 18 فروری

صحت اب اکثر خراب رہنے لگ گئی ہے، خود بھی لاپرواہ ہو گئے اور اکثر مایوس بھی رہنے لگے ہیں کیوں ایسا ہو رہا ہے اس خول سے باہر آئیں اللہ پاک نے دنیا میں جس مقصد کیلئے بھیجا ہے وہ تو پورا کرنا ہے،دین و دنیا ساتھ ساتھ چلتی ہے، دونوں کو پکڑیں اور اپنے گھر والوں کیلئے اب کچھ کریں، ہمت کریں گے تو غیبی مدد بھی ملنا شروع ہو جائیگی، آپ کے اندر ایک اچھا انسان ہے اس کو باہر نکالیں۔

برج حوت ، سیارہ مشتری، 19 فروری سے 20 مارچ

آپ یہ کن باتوں اور مسائل میں پڑے ہوئے ہیں اب ان سے باہر نکل آئیں ،اپنے روزگاراور گھر پر توجہ دیں جو آپ کیلئے بے حد ضروری ہے۔ آپ نے ایک بڑا عرصہ ضائع کیا ہے اب اگر قسمت موقع دے رہی ہے تو اس کی قدر کریں اور اپنے مستقبل کو ٹھیک کرلیں،اللہ مدد گار ہے، پریشانی کیسی، صرف توجہ اور تھوڑی سی محنت کی ضرورت ہے،باقی سب اللہ پر چھوڑ دیں،آنے والے دن بڑے اہم ثابت ہونگے۔