علی امین گنڈاپور قافلے کے ساتھ برہان انٹرچینج کے قریب، شیلنگ جاری

علی امین گنڈا پور کا قافلہ برہان انٹرچینج میں رکا ہوا

اسلام آباد (ڈیلی پاکستان آن لائن) وزیراعلیٰ خیبرپختونخوا علی امین گنڈا پور کا قافلہ برہان انٹرچینج کے قریب موجود ہے۔

یہ بھی پڑھیں: امریکہ کے صدر ڈونلڈ ٹرمپ نے بھارت اور پاکستان کے درمیان دوبارہ جنگ کے حوالے سے اہم انکشاف کر دیا

قافلے کی موجودگی اور احتجاج

جیونیوز کے مطابق علی امین گنڈا پور کا قافلہ دو گھنٹے سے زائد وقت سے برہان انٹرچینج کے قریب ہے۔ اس حوالے سے علی امین گنڈا پور کا کہنا تھا کہ برہان انٹرچینج کے قریب ہمارا قافلہ رکا ہوا ہے، پرامن سیاسی کارکنوں پر بےتحاشا شیلنگ کی جارہی ہے۔

یہ بھی پڑھیں: سونے کی قیمت میں مسلسل اضافے کے بعد 700 روپے کی معمولی کمی

فائرنگ اور زخمی کارکنان کی صورت حال

انہوں نے کہا کہ کارکنوں پر فائرنگ بھی کی گئی ہے، شیلنگ اور فائرنگ سے زخمی کارکنوں کو اسپتال منتقل کیا ہے۔ موٹر وے کو کھود کر بند کر دیا گیا ہے لیکن ہر صورت ڈی چوک پہنچیں گے۔

اسلام آباد میں پی ٹی آئی کارکنان کی گرفتاری

دوسری جانب ڈی چوک سمیت اسلام آباد کے کئی مقامات پر پولیس اور پی ٹی آئی کے کارکنوں کے درمیان جھڑپیں ہوئیں اور پولیس نے ڈی چوک سے 30 سے زائد پی ٹی آئی کارکن گرفتار کرلیے جن میں بانی پی ٹی آئی عمران خان کی بہنیں علیمہ خان اور عظمیٰ خان بھی شامل ہیں۔