ہم تو بہت پرسکون اور چِل ہیں: عظمیٰ بخاری کا اسلام آباد میں پی ٹی آئی کے احتجاج پر رد عمل، کہیں چار لوگوں کا قافلہ بھی نظر نہیں آیا

عظمیٰ بخاری کا پی ٹی آئی کے احتجاج پر ردعمل

لاہور (ڈیلی پاکستان آن لائن) وزیرِ اطلاعات پنجاب عظمیٰ بخاری نے پی ٹی آئی کے اسلام آباد میں احتجاج کے اعلان پر ردِعمل دیتے ہوئے کہا کہ کہیں بھی چار لوگوں کا قافلہ بھی نظر نہیں آیا۔ ہم تو بہت پرسکون اور چِل ہیں کیونکہ پنجاب سے کوئی نہیں نکل رہا۔

یہ بھی پڑھیں: راولپنڈی؛ ٹرنک سے سرکٹی لاش ملنے کا واقعہ، بہنوئی کو قتل کرنیوالا سالا گرفتار

مہنگائی میں کمی اور ملک کی بہتری

انہوں نے 'جیو نیوز' کے مارننگ شو 'جیو پاکستان' میں گفتگو کرتے ہوئے کہا کہ ملک میں بہتری آ رہی ہے اور مہنگائی کم ہور ہی ہے، لیکن ان کو چین نہیں آ رہا۔ یہ بتائیں، انہوں نے خیبر پختون خوا کے عوام کے لیے کیا کیا؟ ملائیشیا کے وزیرِ اعظم تشریف لا چکے ہیں اور دیگر مہمان آ رہے ہیں۔ تحریکِ انصاف نے ہمیشہ پاکستان کی ترقی کے خلاف کام کیا۔

یہ بھی پڑھیں: حکومت خود کو مضبوط کرنا چاہتی ہے تو کیا کرنا ہو گا ۔۔۔؟ فیصل واوڈا نے اہم “مشورہ ” دیدیا

پنجاب کے لوگوں کی پریشانی

لیگی رہنما نے کہا کہ پنجاب کے لوگ دیکھ رہے ہیں کہ وزیرِ اعلیٰ پنجاب کام کر رہی ہیں، اس لیے پنجاب کے لوگوں کی احتجاج میں دلچسپی نہیں ہے۔ اگر مقابلہ کرنا ہے تو کارکردگی میں مریم نواز سے مقابلہ کریں۔ پی ٹی آئی نے پچھلی بار بھی پولیس اہلکاروں پر آنسو گیس شیلنگ کی۔ کل وزیرِ داخلہ کو سنا، میرا خیال ہے کہ ان کو آنے کی اجازت نہیں ملے گی۔ یہ پرامن احتجاج کریں تو کوئی کیوں ان کو روکے گا، یہ صرف فساد کے لیے آتے ہیں۔

یہ بھی پڑھیں: زرمبادلہ کے ذخائر 31 ماہ کی بلند ترین سطح پر پہنچ گئے

ریسکیو اور عوامی وسائل

عظمیٰ بخاری نے مزید کہا کہ یہ ساری مشینری کہاں ہوتی ہے جب خیبر پختون خوا میں کوئی گاڑی دریا میں گر جاتی ہے؟ ریسکیو 1122 مریضوں کے لیے رکھی گئی ہے یا فساد کے لیے۔ یہ سیاسی جماعت نہیں ہے، دہشت گردوں سے جس زبان میں بات کرنی پڑتی ہے، اس میں کرنا پڑے گی۔ عوام کو ان سے پوچھنا چاہیے کہ انہیں کیا مصیبت ہے، کام کیوں نہیں کرتے۔ کے پی کے لوگوں کو ان سے پوچھنا چاہیے کہ وسائل عوام پر کیوں نہیں لگا رہے ہیں۔ آپ جلاؤ گھیراؤ کے لیے سرکاری وسائل استعمال نہیں کر سکتے۔