مسلم لیگ ن، یو اے ای کے میڈیا کوآرڈینیٹر شہزاد احمد بٹ کی روح کو ایصال ثواب کے لئے دعائیہ تقریب

دعائیہ تقریب کا انعقاد

دبئی (طاہر منیر طاہر) پاکستان مسلم لیگ ن متحدہ عرب امارات کے میڈیا کوارڈینیٹر شہزاد احمد بٹ کے اچانک سانحہ ارتحال پر مسلم لیگ ن دبئی نے پاکستان سوشل سینٹر شارجہ میں دعائیہ تقریب کا اہتمام کیا جس میں ن لیگی عہد یداروں، کارکنوں اور پاکستانی کمیونٹی کے لوگوں نے بھر پور شرکت کی۔

یہ بھی پڑھیں: سندھ اور پنجاب کے جنوبی علاقوں میں آج موسم شدید گرم رہنے کا امکان

شرکاء کا اجمالی خاکہ

دعائیہ تقریب میں سہیل عامر گھمن، محمد غوث قادری، میاں غلام محی الدین، ملک شہزاد یونس، عبدالمجید مغل، سرفراز حسین مغل، جان قادر، عامر بشیر انجم، بشیر احمد شاہد، حاجی محمد نواز، ایم سجاد، ڈاکٹر اکرم شہزاد، رانا محمد اقبال، شوکت محمود بٹ، پاکستان قونصلیٹ دبئی سے ویلفیئر قونصلر جنید مرتضی، نوید احمد، محمد شفیق جنجوعہ، چوہدری رمضان شان، حاجی محمد یونس، سید سلیم اختر، چوہدری عبد الرزاق، محمد عظیم، آصف ٹھاکر، خالد محمود طارق، راشد فاروق، مظہر حسین جاوید، عرفان اقبال طور، عدنان طور، محمد عمر بلوچ، حاجی رشید اکبر، چوہدری فاروق وڑائچ، محمد اقبال، ظہیر احمد، وقاص گھمن، علی شہزاد بٹ، محمود بٹ، حافظ مبشر حسین، ملک شبیر اعوان، شفقت قادری اور دیگر بہت سے لوگوں نے شرکت کی۔

یہ بھی پڑھیں: بھارت نے پانی بند کیا تو جنگ ہوگی، وہ جنگ آخری ہوگی: پیر پگارا

قرآن خوانی اور مرحوم کی خدمات

اس موقع پر مرحوم شہزاد احمد بٹ کی روح کو ایصال ثواب کے لئے قرآن خوانی کا اہتمام کیا گیا اور مرحوم کے اوصاف حمیدہ بیان کئے گئے۔ ن لیگ دبئی کے صدر عامر سہیل گھمن اور ن لیگ منارٹی ونگ کے صدر جان قادر نے مرحوم شہزاد احمد بٹ کی پاکستانی کمیونٹی اور ن لیگ کے لئے خدمات پر انہیں زبردست الفاظ میں خراج تحسین پیش کیا۔

یہ بھی پڑھیں: پی ایم اے میں آرمی، نیوی اور فضائیہ کے کیڈٹس کیلئے مشترکہ تربیتی پروگرام کا آغاز

مرحوم کی مخلصی اور کمیونٹی کا نقصان

متذکرہ مقررین نے کہا کہ مرحوم شہزاد احمد بٹ ایک مخلص، ہمدرد اور ہر ایک کے کام آنے والے انسان تھے۔ ان کی وفات سے جہاں پاکستانی کمیونٹی ایک مخلص دوست سے محروم ہوئی ہے وہاں ن لیگ امارات بھی ایک مخلص ساتھی سے محروم ہو گئی ہے۔ شہزاد احمد بٹ کے انتقال سے مسلم لیگ ن امارات میں سیاسی خلا پیدا ہو گیا ہے جو برسوں پورا نہ ہو سکے گا۔