اداکارہ حمیرا اصغر نے موت سے قبل 7 جولائی کو 10 افراد کو پیغامات بھیجے لیکن کسی نے جواب نہیں دیا : اقرار الحسن

اقرار الحسن کا انکشاف

لاہور (ڈیلی پاکستان آن لائن) معروف میزبان اقرار الحسن نے انکشاف کیا ہے کہ اداکارہ حمیرا اصغر نے اپنی موت سے قبل 10 افراد کو پیغامات بھیجے تھے، مگر کسی نے جواب نہیں دیا۔

یہ بھی پڑھیں: اسٹیٹ بینک نئی مانیٹری پالیسی کا اعلان آج کرے گا

پیغامات کی تفصیلات

تفصیلات کے مطابق، ٹی وی میزبان اقرار الحسن نے انسٹاگرام پر ایک ویڈیو جاری کی جس میں انہوں نے بتایا کہ اداکارہ کے موبائل سے معلوم ہوا ہے کہ انہوں نے مرنے سے پہلے دس افراد سے رابطہ کرنے کی کوشش کی تھی۔ انہوں نے بتایا کہ اداکارہ نے 7 اکتوبر 2024 کو جن افراد کو پیغامات بھیجے، ان میں ان کے بھائی، سلمان، محسن، عمران، حسن اور دیگر شامل تھے۔

یہ بھی پڑھیں: تحریک انصاف میں عالیہ حمزہ کا مستقبل اچھا نظر نہیں آ رہا: تجزیہ کار سلمان غنی

پیغامات کا جواب نہ دینا

اداکارہ نے ان دس افراد کو پہلے ’ہیلو‘ کا پیغام بھیجا اور کچھ دیر بعد دوبارہ پیغام بھیجا کہ ’ہیلو، میں تم سے بات کرنا چاہتی ہوں‘ لیکن ان تمام افراد نے ان کے پیغام کا کوئی جواب نہیں دیا۔ اقرار الحسن کے مطابق، ان افراد نے تین دن گزرنے کے باوجود بھی کوئی جواب نہیں دیا، کیونکہ اداکارہ کا موبائل فون تین دن تک آن رہا، اس کے بعد بند ہو گیا، جس سے یہ اندازہ لگایا جا رہا ہے کہ ان کی موت 7 اکتوبر کے بعد ہوئی۔

یہ بھی پڑھیں: انگلش کرکٹر جو روٹ نے نیا ریکارڈ قائم کر دیا

اداکارہ کے بھائی کا خاموش رہنا

ان کا کہنا تھا کہ قابلِ تشویش بات یہ ہے کہ ان افراد میں اداکارہ کا بھائی بھی شامل تھا، جس نے بھی ان سے رابطہ کرنے کی کوشش نہیں کی۔ اقرار الحسن نے مزید بتایا کہ پولیس کی اب تک کی تحقیقات کے مطابق اداکارہ کے کمرے سے متصل غسل خانے میں سرف میں بھیگے ہوئے کپڑے موجود تھے۔

یہ بھی پڑھیں: کیا آپ میرے انٹیریئر ڈیزائنر بن سکتے ہیں؟

تحقیقات کا آغاز

تحقیقات میں یہ بات سامنے آئی کہ کپڑے اتنے ماہ گزرنے کے بعد پھٹنے لگے تھے اور ان میں موجود پانی بھی خشک ہو چکا تھا۔ پولیس کا ابتدائی خیال ہے کہ شاید اداکارہ کپڑے دھونے کے لیے غسل خانے جا رہی تھیں اور اسی دوران پھسل کر منہ کے بل گریں اور ان کی موت واقع ہو گئی۔

یہ بھی پڑھیں: رجب بٹ کا اہلیہ کے ساتھ ناروا سلوک شدید تنقید کی زد میں آگیا

منشیات کے استعمال کی تصدیق

اقرار الحسن نے یہ بھی کہا کہ اب تک کی معلومات سے یہ واضح ہو چکا ہے کہ اداکارہ منشیات استعمال نہیں کرتی تھیں۔ تاہم، ان کے کمرے سے سگریٹ کا ایک ڈبہ اور فلٹر ملا ہے جو غالباً ان کا نہیں تھا، کیونکہ اگر وہ سگریٹ نوش ہوتیں تو فلیٹ میں صرف ایک ڈبہ نہ ملتا۔

یہ بھی پڑھیں: بھارتی ناظم الامور کی دفتر خارجہ طلبی، بلااشتعال بھارتی حملوں پر پاکستان کا سخت احتجاج ریکارڈ

دیگر افراد سے پیغامات

انہوں نے مزید کہا کہ 10 اکتوبر تک اداکارہ کو مختلف افراد کی جانب سے پیغامات موصول ہوئے، جن میں ان کے قریبی دوست اور عمارت کا چوکیدار شامل تھے، تاہم یہ وہ دس افراد نہیں تھے جنہیں اداکارہ نے خود پیغامات بھیجے تھے۔ اقرار الحسن کے مطابق، اداکارہ مکمل طور پر صحت مند تھیں، ان کے جم ٹرینر کے مطابق وہ روزانہ تین گھنٹے ورزش کرتی تھیں۔

یہ بھی پڑھیں: کوئٹہ ریلوے اسٹیشن پر دھماکہ: دھوئیں کے بادل چھٹنے کے بعد زمین پر بہت سے لوگ گرے پڑے نظر آئے۔

پولیس کی تحقیقات

انہوں نے بتایا کہ اب تک کی تحقیقات سے اندازہ ہوتا ہے کہ اداکارہ کی موت غیر طبعی تھی، چونکہ انہوں نے اپنے موبائل فونز اور لیپ ٹاپ کے پاس ورڈ ایک ڈائری میں لکھ رکھے تھے، اس لیے پولیس نے باآسانی ان کے موبائل کا ڈیٹا حاصل کر لیا۔

یہ بھی پڑھیں: امریکی جج نے ٹرمپ انتظامیہ کو ہارورڈ کے غیر ملکی طلباء پر پابندی لگانے سے روک دیا

مقامی افراد سے تفتیش

بعدازاں پولیس اس کیس میں 63 افراد سے تفتیش کرے گی، جب کہ 5 افراد کے بیانات ریکارڈ کر لیے گئے ہیں۔

یہ بھی پڑھیں: کینال روڈ پر درختوں کی کٹائی کی اجازت نہیں دیں گے، لاہور ہائیکورٹ

اداکارہ کی موت کی صورت حال

اداکارہ و ماڈل حمیرا اصغر کی کئی ماہ پرانی لاش 8 جولائی کو کراچی کے علاقے ڈیفنس کے ایک فلیٹ سے برآمد ہوئی۔ مکان مالک کی شکایت پر عدالت نے پولیس کو کرایہ ادا نہ کرنے پر فلیٹ خالی کرانے کا حکم دیا تھا، جس کے دوران اداکارہ کی لاش جو ڈی کمپوزیشن کے آخری مراحل میں تھی برآمد کی گئی۔

موت کی ممکنہ وجہ

ابتدائی طور پر بتایا جا رہا تھا کہ لاش ایک ماہ پرانی ہے، لیکن بعد ازاں ابتدائی پوسٹ مارٹم رپورٹ میں انکشاف ہوا کہ لاش 8 سے 10 ماہ پرانی ہے۔ اداکارہ کی موت کی ممکنہ وجہ جاننے کے لیے پولیس نے ایک تحقیقاتی ٹیم قائم کر دی ہے، جو یہ معلوم کرنے کی کوشش کرے گی کہ موت طبعی تھی، قتل تھا یا خودکشی۔ اس کیس سے متعلق روزانہ نئی تفصیلات سامنے آ رہی ہیں۔