دھابیجی پمپنگ اسٹیشن پر بجلی کا بریک ڈاؤن، پانی کی فراہمی متاثر

بجلی کے بریک ڈاؤن سے پانی کی فراہمی متاثر

کراچی(ڈیلی پاکستان آن لائن) کراچی میں دھابیجی پمپنگ سٹیشن پر بجلی کے بریک ڈاؤن کے باعث شہر کو پانی کی فراہمی متاثر ہونے کا خدشہ ہے۔

یہ بھی پڑھیں: خواجہ آصف: بانی پی ٹی آئی گنڈاپور کو اسٹیبلشمنٹ سے تعلقات بہتر بنانے کے لئے استعمال کرنا چاہتے ہیں

بریک ڈاؤن کا وقت اور اثرات

ترجمان واٹر کارپوریشن کے مطابق بریک ڈاؤن رات 12 بج کر 20 منٹ پر پیش آیا، جس کے نتیجے میں لائن نمبر 5 دو مختلف مقامات سے متاثر ہوئی۔

یہ بھی پڑھیں: کراچی میں 3 سالہ بچی کا بہیمانہ قتل، لاش کچرا کنڈی سے برآمد

مرمتی کام کی ہدایات

واٹر کارپوریشن حکام نے بروقت اطلاع پر موقع پر پہنچ کر صورتحال کا جائزہ لیا، جبکہ سی ای او واٹر کارپوریشن نے فوری مرمتی کام شروع کرنے کی ہدایات جاری کیں۔

پانی کی کمی کا تخمینہ

ترجمان کے مطابق پمپنگ لائن کی مرمت کا کام شروع کر دیا گیا ہے جو اگلے 36 گھنٹوں میں مکمل کر لیا جائے گا، متاثرہ لائن کی بندش کے باعث شہر کو عارضی طور پر 100 ملین گیلن پانی کی کمی کا سامنا ہوگا。