علی امین گنڈا پور ورکرز کی تنقید سے بوکھلا گئے ہیں : شہزاد اکبر

شہزاد اکبر کی تنقید

لاہور (ڈیلی پاکستان آن لائن) سابق مشیر احتساب شہزاد اکبر نے سوشل میڈیا پر ویڈیو پیغام جاری کرتے ہوئے وزیراعلیٰ خیبرپختون خوا علی امین گنڈا پور کو تنقید کا نشانہ بنایا اور مولانا فضل الرحمان کے بارے میں استعمال کیئے گئے الفاظ کو نامناسب قرار دیا۔ انہوں نے کہا کہ ورکرز کو اس سے غرض نہیں کہ آپ مولانا فضل الرحمان کو کیا کہہ رہے ہیں، بلکہ انہیں غرض ہے کہ آپ عمران خان کے لئے کیا کر رہے ہیں۔

یہ بھی پڑھیں: یو اے ای کے ویزوں سے متعلق اہم ملاقات طے پا گئی، وزیر داخلہ سے مل کر حل نکالیں گے، محسن نقوی

ویڈیو پیغام کی تفصیلات

سوشل میڈیا پر جاری ویڈیو پیغام میں شہزاد اکبر کا کہنا تھا کہ عمران خان کی سیاست کی وجہ سے مولانا فضل الرحمان کی جماعت کو سیاسی طور پر نقصان پہنچا ہے۔ آپ نے انہیں سیاسی میدان میں شکست دی ہے، لیکن علی امین گنڈا پور جب بطور وزیراعلیٰ بات کرتے ہیں، ایک تو آپ کا حلیہ بھی شریفوں والا نہیں ہے، لیکن آپ جو الفاظ استعمال کر رہے ہیں وہ بہت ہی نامناسب ہیں۔ خصوصی طور پر جب آپ ایک پوزیشن پر ہوں، وزیراعلیٰ ہوں، اور ایک بڑی جماعت کی نمائندگی کرتے ہیں تو اس طرح کا کلام آپ کو زیب نہیں دیتا۔

یہ بھی پڑھیں: وزیر اعلیٰ پنجاب مریم نواز کی زیرصدارت صوبائی کابینہ کا طویل ترین 80 نکاتی ایجنڈے پر مشتمل 21 واں اجلاس، اہم فیصلے

ورکرز کی توقعات

اس سے ظاہر ہوتا ہے کہ آپ ورکرز کی جانب سے کی جانے والی تنقید پر کافی حد تک بوکھلا گئے ہیں۔ کسی نہ کسی طریقے سے آپ چاہتے ہیں کہ ورکرز آپ کو دوبارہ پسند کرنا شروع کر دیں، لیکن میرے خیال میں اب بہت دیر ہو چکی ہے۔ ورکر کو یہ غرض نہیں ہے کہ آپ مولانا فضل الرحمان کے بارے میں کیا کہتے ہیں، بلکہ یہ غرض ہے کہ آپ کا کردار کیسا ہے اور آپ عمران خان کے برینڈ کی کس حد تک نمائندگی کر رہے ہیں، اور آپ کی وجہ سے اس برینڈ کو نقصان پہنچ رہا ہے۔

ٹویٹر پر ردعمل

علی امین ورکرز میں دوبارہ مقبول ہونے کے لیے غیر شائستہ زبان استعمال کر رہے ہیں لیکن اب بہت لیٹ ہو چکا ہے
ورکرز کو اس سے غرض نہیں کہ آپ مولانا فضل الرحمان کے بارے میں کیا کہتے ہیں، ورکرز یہ جاننا چاہتے ہیں آپ عمران خان کے لیے کیا کر رہے ہیں
شہزاد اکبر pic.twitter.com/UCwN11U83t

— Waqar khan (@Waqarkhan123) July 14, 2025