5 اگست کو تحریک عروج پر ہوگی، علی امین گنڈاپور کو بانی پی ٹی آئی کی حمایت حاصل ہے: بیرسٹر گوہر

چیئرمین پی ٹی آئی کی وضاحت

راولپنڈی ( ڈیلی پاکستان آن لائن ) چیئرمین پی ٹی آئی بیرسٹر گوہر خان تحریک انصاف میں اختلاف پر کھل کر بول پڑے ۔

یہ بھی پڑھیں: اگر بھارت نے پاکستان پر حملہ کیا تو ہمیں 7 بھارتی ریاستوں پر قبضہ کر لینا چاہیے، بنگلہ دیش کے اہم ترین عہدیدار کی تجویز

خلاصہ گفتگو

میڈیا سے گفتگو میں بیرسٹر گوہر نے کہا کہ پی ٹی آئی میں کوئی اختلاف نہیں، مس انڈر سٹینڈنگ ہے، میری شیخ وقاص اکرم اور عالیہ حمزہ سے بات ہوگئی ہے۔

یہ بھی پڑھیں: بیوی کے اپنے خلاف بیان سن کر پسند کی شادی کرنے والا شوہر کمرہ عدالت میں ہی بے ہوش ہو گیا۔

عمران خان کا پیغام

’’جنگ‘‘ کے مطابق بیرسٹر گوہر کا کہنا تھا کہ ’’بانی پی ٹی آئی عمران خان کہہ چکے ہیں 5 اگست کو تحریک عروج پر ہوگی، علی امین گنڈاپور کو بانی پی ٹی آئی کی حمایت حاصل ہے، گنڈاپور صاحب بہت اچھے طریقے سے صوبہ چلا رہے ہیں۔ ہماری پارٹی دوسری جماعتوں کی طرح پسند ناپسند پر نہیں چلتی، سیاست میں دل بڑا رکھنا پڑتا ہے، ہم تحریک بھی چلائیں گے، لیکن ہم کوئی گوریلا فورس نہیں، 2سال ہوگئے کامن سینس استعمال کرنی چاہیے، جو لوگ اوپر بیٹھے ہیں ان کو سوچنا چاہیے‘‘۔

سینیٹ الیکشن کا معاملہ

بیرسٹر گوہر نے مزید کہا کہ سینیٹ الیکشن کے لیے جو فہرست زیرگردش ہے اس میں ایک فہرست جعلی ہے، ہم نے جو فہرست جاری کی اس میں جو نام شامل ہیں وہی ہمارے امیدوار ہیں۔