سرکاری ہسپتالوں میں مانیٹرنگ کے لیے سی ایم ہیلتھ ویجی لینس اسکواڈ قائم، گیسٹروانٹیسٹینولوجی سروسز شروع کرنے کا فیصلہ
سی ایم ہیلتھ ویجی لینس سکواڈ کا قیام
لاہور (ڈیلی پاکستان آن لائن) پنجاب کے سرکاری ہسپتالوں میں مانیٹرنگ کے لئے سی ایم ہیلتھ ویجی لینس سکواڈ قائم کر دیا گیا ہے۔ وزیراعلیٰ مریم نواز نے سرکاری ہسپتالوں کی مانیٹرنگ اور چیکنگ رپورٹ پر 24 گھنٹے میں ایکشن کی ہدایت کر دی ہے۔ تین سی ایم ہیلتھ ویجی لینس سکواڈ پائلٹ پراجیکٹ کے طور پر جلد کام شروع کردیں گے۔
یہ بھی پڑھیں: کوئی کچھ بھی کہتا رہے،2 ماہ تڑپنے پھڑکنے، پہلو بدلنے کے بعد بالآخر26ویں ترمیم آئین کے حُجلۂ عروسی میں آ بیٹھی ہے: عرفان صدیقی
سکواڈ میں شامل افراد
سی ایم ہیلتھ ویجی لینس سکواڈ میں ڈاکٹر، فارماسسٹ، بائیو میڈیکل انجینئر، بجٹ اکاؤنٹ آفیسر، ڈیٹا ایکسپرٹ اور دیگر شامل ہوں گے۔ یہ سکواڈ ہسپتالوں میں ادویات، ڈیوٹی روسٹر، کلینیکل سروسز، بائیومیڈیکل آلات اور دیگر امور کی جانچ کرے گا۔
یہ بھی پڑھیں: پاک بھارت کشیدگی: وزیراعلیٰ کے پی کا شہداء کے ورثاء کو 50، زخمیوں کو 10 لاکھ دینے کا اعلان
مانیٹرنگ کے لئے خصوصی ڈائریکٹوریٹ
وزیراعلیٰ مریم نواز نے سرویلنس ٹیم کے لئے جامع چیک لسٹ تیار کرنے کی ہدایت کی اور محکمہ ہیلتھ اینڈ پاپولیشن کے زیر اہتمام خصوصی ڈائریکٹوریٹ آف مانیٹرنگ قائم کرنے کی منظوری دے دی۔ اس میں ضلع، تحصیل ہسپتالوں اور مراکز صحت کے لئے الگ الگ یونٹ قائم ہوں گے۔
یہ بھی پڑھیں: ایک ہی طرح کے ریلیف کیلئے مختلف فورمز پر کارروائی نہیں ہو سکتی: چیف جسٹس لاہور ہائیکورٹ
نئی طبی خدمات کا آغاز
اجلاس میں پنجاب کے ہسپتالوں میں گیسٹروانٹیسٹینولوجی (Gastrointestinal) سروسز شروع کرنے کا فیصلہ کیا گیا۔ اس کے تحت ہسپتال میں گیسٹروانٹیسٹینولوجی سنٹر بنایا جائے گا۔ اس کے ساتھ ساتھ ایمرجنسی وارڈ کی اپ گریڈیشن اور ٹراما سنٹرز کے قیام کا فیصلہ بھی کیا گیا ہے۔
یہ بھی پڑھیں: مناہل ملک اور امشا کے بعد ایک اورسیلیبریٹی کی فحش ویڈیو لیک ہو گئی
فری میڈیسن اور کیتھ لیب کا قیام
وزیراعلیٰ مریم نواز نے ہسپتالوں میں فری میڈیسن کی مسلسل دستیابی کی ہدایت کی اور اس حوالے سے کارروائی کا حکم دیا۔ اجلاس میں پنجاب کے 8 ضلعی ہسپتالوں میں کیتھ لیب قائم کرنے کی منظوری دے دی گئی ہے۔
یہ بھی پڑھیں: وزیرآباد: ٹرک کی موٹرسائیکل کو ٹکر، 4 افراد جاں بحق
ڈاکٹروں کی رہائش کا خیال
وزیراعلیٰ نے دوردراز علاقوں میں متعین ڈاکٹروں کی رہائشگاہوں میں فرنیچر فراہم کرنے کی ہدایت دی۔ انہوں نے ہسپتالوں میں وینٹی لیٹرز کی دستیابی پر رپورٹ بھی طلب کی۔
یہ بھی پڑھیں: چین کے صدر شی جن پھنگ کا ملائیشیا کا دورہ ، ملائیشیا کے بادشاہ سلطان ابراہیم سلطان سکندر سے ملاقات
آنے والے مریضوں کی تعداد میں اضافہ
بریفنگ میں بتایا گیا کہ سرکاری ہسپتالوں میں آنے والے مریضوں کی تعداد میں 23 فیصد اضافہ ہوا ہے۔ پنجاب میں 70 فیصد مریض علاج کے لئے سرکاری ہسپتالوں کا رخ کرتے ہیں۔
یہ بھی پڑھیں: دیہی علاقوں کے عوام کیلئے کوالیفائیڈ ڈاکٹر ملتا نہیں, ہم شہروں میں کچھ نہیں کرتے مگر دیہات کے جعلی ڈاکٹروں کے چالان پر چالان کر دیتے ہیں.
سرکاری فارمیسی کی صورتحال
وزیراعلیٰ مریم نواز نے کہا کہ سرکاری ہسپتالوں میں عام آدمی کے لئے ادویات اور تمام سہولتیں فری ہونی چاہئیں۔ کچھ ہسپتالوں میں مریضوں سے ادویات اور سامان باہر سے منگوانا افسوسناک ہے۔
نوازشریف انسٹی ٹیوٹ کی پیشرفت
پنجاب وزیراعلیٰ مریم نواز کی زیر صدارت خصوصی اجلاس میں نواز شریف میڈیکل ڈسٹرکٹ پراجیکٹ پر پیشرفت کا جائزہ بھی لیا گیا۔ اجلاس میں سرگودھا میں نواز شریف انسٹی ٹیوٹ آف کارڈیالوجی سے متعلق امور پر بھی بریفنگ دی گئی۔
