کسی کا پریشر نہیں لینا ، غریبوں کا چالان نہ کریں ،وارننگ دیں: علی امین گنڈا پور کا پشاور میں پولیس سے خطاب

وزیراعلیٰ خیبر پختونخوا کی تقریر

پشاور (ڈیلی پاکستان آن لائن) وزیراعلیٰ خیبر پختونخوا علی امین گنڈاپور نے کہا ہے کہ کسی کی ناجائز سفارش نہ مانیں۔ میں نے آج تک کوئی سفارش نہیں کی، آپ میرٹ کو دیکھیں۔ کسی کا پریشر نہیں لینا، ہم نے حساب دینا ہے، غریبوں کا چالان نہ کریں انہیں وارننگ دیں۔

یہ بھی پڑھیں: کوئٹہ دھماکا: دہشتگردوں کا سر پوری قوت سے کچلنے کا فیصلہ، انٹیلی جنس بیسڈ آپریشن بڑھائے جائیں گے، وفاقی وزیر داخلہ

پولیس کی قربانیوں کا اعتراف

پشاور میں پولیس کے حوالے سے تقریب سے خطاب کرتے ہوئے علی امین گنڈاپور نے کہا کہ خیبر پختونخوا پولیس کی قربانیوں کی طویل فہرست ہے۔ پولیس کا بجٹ 124 ارب سے بڑھا کر 158 ارب کیا ہے۔ شہید جوانوں کی فہرست مل گئی ہے، ان کے خاندانوں کو پلاٹ دیں گے۔ پولیس کو رواں سال بلٹ پروف جیکٹ سمیت دیگر سامان فراہم کیا جائے گا۔

یہ بھی پڑھیں: وہ کون تھا جس نے عمران خان کو توبہ کا مشورہ دیا؟

سرکاری خزانہ پولیس کے لیے حاضر

جنگ کے مطابق علی امین گنڈاپور کا مزید کہنا تھا کہ خیبر پختونخوا پولیس کے جان و مال کے لیے سرکاری خزانہ حاضر ہے۔ 4 اضلاع میں سیف سٹی پراجیکٹ پر کام جاری ہے۔ کسی کی ناجائز سفارش نہ مانیں، میں نے آج تک کوئی سفارش نہیں کی، آپ میرٹ کو دیکھیں۔ کسی کا پریشر نہیں لینا، ہم نے حساب دینا ہے۔

غریبوں کے حقوق کی حفاظت

غریبوں کا چالان نہ کریں، انہیں وارننگ دیں۔ بڑی گاڑی والوں سے رعایت نہ کریں، ان کو پیغام دیں کہ انہوں نے قانون توڑا ہے۔