اسحاق ڈار کی زیر صدارت سرمایہ کاری کے فروغ کے لیے پورٹ فولیو کی تیاری سے متعلق کمیٹی کا اجلاس
اجلاس کی تفصیلات
اسلام آباد (ڈیلی پاکستان آن لائن) نائب وزیراعظم و وزیر خارجہ سینیٹر محمد اسحاق ڈار کی زیر صدارت دوست ممالک سے سرمایہ کاری کے فروغ کے لیے جامع سرمایہ کاری پورٹ فولیو کی تیاری سے متعلق کمیٹی کا اجلاس منعقد ہوا۔
یہ بھی پڑھیں: تقرریں اور تبادلے: بیوروکریسی کا راز
سرمایہ کاری کی موجودہ صورتحال
اجلاس میں موجودہ غیر ملکی سرمایہ کاری کے منظرنامے کا جائزہ لیا گیا اور ابتدائی مرحلے کے منصوبوں کی ایک فہرست تجویز کی گئی۔ اجلاس میں توانائی، بنیادی ڈھانچے اور نجکاری کے شعبوں میں اسٹریٹجک تعاون کے مواقع پر غور کیا گیا۔
یہ بھی پڑھیں: بانی پی ٹی آئی جیل کے ایک کمرے نہیں،7 سیلز پرمشتمل کمپلیکس میں ہیں، سپرنٹنڈنٹ اڈیالہ جیل
نائب وزیراعظم کی ہدایت
نائب وزیراعظم/وزیر خارجہ نے متعلقہ اسٹیک ہولڈرز کو ہدایت کی کہ وہ مشترکہ خوشحالی اور پائیدار اقتصادی ترقی کے فروغ کے لیے قابل عمل سرمایہ کاری کے مواقع اور ترقیاتی اقدامات کی نشاندہی کریں۔
اجلاس میں شریک افراد
اجلاس میں وفاقی وزیر پیٹرولیم، معاون خصوصی طارق باجوہ، مشیر برائے نجکاری، نیشنل کوآرڈینیٹر ایس آئی ایف سی، چیئرمین واپڈا، سیکرٹریز پیٹرولیم و ایس آئی ایف سی سمیت متعلقہ محکموں کے اعلیٰ حکام نے شرکت کی۔
