سرفروشی کی تمنا اب ہمارے دل میں ہے: پی ٹی آئی کے ناراض رہنماؤں کا سینیٹ الیکشن کے بارے میں فیصلہ

پشاور میں پی ٹی آئی کی ناراض رہنماؤں کا اجلاس

پی ٹی آئی کے ناراض رہنماؤں نے سینیٹ الیکشن کے حوالے سے اپنا فیصلہ سنا دیا۔

یہ بھی پڑھیں: وزیراعلیٰ پنجاب کی زیرصدارت ایپکس کمیٹی کا اجلاس، صوبے میں امن وامان اور غیر قانونی طور پر مقیم افغان باشندوں کے انخلا پر پیش رفت کا جائزہ

دستبرداری کا اعلان

تفصیلات کے مطابق پاکستان تحریک انصاف (پی ٹی آئی) کے ناراض رہنماؤں نے سینیٹ الیکشن سے دستبردار نہ ہونے کا اعلان کردیا ہے۔ ’’جیو نیوز‘‘ کے مطابق پی ٹی آئی کے ناراض رہنماؤں کا اجلاس ہوا جس میں عرفان سلیم، خرم ذیشان اور عائشہ بانو شریک ہوئیں۔

یہ بھی پڑھیں: معاونِ خصوصی راشد نصر اللہ کی وائس چیئرپرسن پنجاب اوورسیز پاکستانیز کمیشن بیرسٹر امجد ملک سے خصوصی ملاقات

مشترکہ فیصلہ

پی ٹی آئی رہنما خرم ذیشان نے بتایا کہ اجلاس میں شریک رہنماؤں نے سینیٹ انتخابات سے دستبردار نہ ہونے کا فیصلہ کیا ہے۔ انہوں نے کہا، "بات سینیٹ الیکشن سے بہت آگے نکل چکی ہے، ان سیاسی پارٹیوں سے اندرونی ساز باز کیا ہمارے لیڈر کا نظریہ ہوسکتا ہے؟ میرا سینیٹ انتخابات سے دستبردار ہونے سے انکار ہے، جھکنے سے انکار ہے، مصلحتوں سے انکار ہے، بھاڑ میں جائے سیاست اور نشستیں، ہم اصول پر کھڑے ہیں اور رہیں گے۔"

نظام کے خلاف جدوجہد

پی ٹی آئی رہنما عرفان سلیم نے شعر پڑھتے ہوئے کہا، "سرفروشی کی تمنا اب ہمارے دل میں ہے، دیکھنا ہے زور کتنا بازوئے قاتل میں ہے"۔ انہوں نے مزید کہا کہ "ہم لڑیں گے اور اس نظام کا حصہ نہیں بنیں گے۔"