کراچی میں جائیداد کے تنازعہ پر بہن نے بھائی کو قتل کردیا

کراچی میں جائیداد کا تنازع

کراچی (ڈیلی پاکستان آن لائن) - شہر قائد میں جائیداد کے تنازع پر بہن نے بھائی کو قتل کر دیا۔ پولیس نے چند گھنٹوں میں ملزمہ کو گرفتار کر کے آلۂ قتل بھی برآمد کر لیا۔

یہ بھی پڑھیں: کیسز میں پرسنل نہ ہوا کریں، چھوڑ دیں قاضی صاحب کی جان، جسٹس مسرت ہلالی کا وکیل درخواستگزار سے مکالمہ، قاضی فائز عیسیٰ کیخلاف دائر نظرثانی درخواست خارج

واقعہ کی تفصیلات

کراچی کے علاقے سکھن میں اتوار کی شام کو گھر کے اندر سے لاش ملی، جسے ڈنڈے کے وار کر کے ہلاک کیا گیا تھا۔ واقعے کے بعد ایس ایس پی ملیر عبدالخالق پیرزادہ بھی جائے وقوع پر پہنچ گئے تھے۔

یہ بھی پڑھیں: پاکستان ائیر فورس نے جدید ترین پی ایف ایکس بنانے کا اعلان کر دیا

ملزمہ کا اعتراف

پولیس حکام کے مطابق 40 سالہ سومار کو اس کی بہن آمنہ نے جائیداد کے تنازع پر ڈنڈے کے وار کر کے قتل کیا۔ پولیس نے شک کی بنیاد پر جب آمنہ کو حراست میں لیا تو اس نے ابتدائی طور پر ہی اپنے جرم کا اعتراف کر لیا۔

یہ بھی پڑھیں: آپریٹر نے ایمرجنسی کی نوعیت کو غلط سمجھا اور اسے میڈیکل ایمرجنسی سمجھ کر کارروائی کی، سانحہ سوات سے متعلق ڈائریکٹر جنرل ریسکیو 1122 شاہ فہد کا انکشاف

جھگڑے کی وجوہات

ملزمہ نے پولیس حکام کو بتایا کہ دونوں بہن بھائیوں کے درمیان جائیداد کے معاملے پر کافی عرصے سے جھگڑا چل رہا تھا۔ اتوار کی شام بھی ان کے درمیان بات چیت جھگڑے میں تبدیل ہو گئی، جس پر اس نے غصے میں آ کر اپنے بھائی سومار کے سر پر ڈنڈے کے وار کیے جس سے وہ موقع پر ہی چل بسا۔

تحقیقات کا عمل

پولیس حکام کا کہنا ہے کہ واقعے کی مزید تحقیقات جاری ہیں۔