دماغی صحت کو نظر انداز کرنا زندگی کو نظر انداز کرنے کے مترادف ہے، وزیر اعلیٰ مریم نواز

مریم نواز کا پیغام برائے دماغی صحت

لاہور (ڈیلی پاکستان آن لائن) وزیر اعلیٰ پنجاب مریم نواز نے کہا ہے کہ حکومت پنجاب دماغی بیماریوں کی روک تھام، علاج اور آگاہی کیلئے کوشاں ہے۔ صحت مند دماغ ہی مثبت سوچ اور تعمیری فیصلوں کی بنیاد رکھتے ہیں۔

یہ بھی پڑھیں: مہنگائی کے ستائے عوام پر 16 جولائی سے پیٹرول بم گرائے جانے کا امکان، قیمتوں میں بڑا اضافہ متوقع

ورلڈ برین ڈے کا مقصد

وزیر اعلیٰ مریم نواز نے ورلڈ برین ڈے پر اپنے پیغام میں کہا کہ انسانی دماغ خالق کائنات کی بے مثال تخلیق ہے۔ ورلڈ برین ڈے ہمیں دماغی امراض پر توجہ دینے کی یاد دلاتا ہے۔ انسانی دماغ کائنات کا سب سے پیچیدہ اور حیرت انگیز نظام ہے۔

دماغی صحت کی اہمیت

دماغی صحت کو نظر انداز کرنا زندگی نظر انداز کرنے کے مترادف ہے۔ دماغی بیماریوں میں مبتلا افراد نہ صرف تکلیف سہتے ہیں بلکہ اکثر معاشرتی بے حسی اور لاپرواہی کا بھی شکار ہوتے ہیں۔ دماغی صحت کو جسمانی صحت جتنی ہی اہمیت دینا ضروری ہے۔